Арадай Хуралай түрүүлэгшэ Матвей Гершевич октябриин 10-да баяр ёһолой оршон байдалда шэнэ гэршэлгэнүүдые Улаан-Үдын ба дүтын аймагуудай мировай шүүгшэнүүдтэ барюулаа. Энээн тухай республикын парламентын хэблэлэй албан мэдүүлбэ.
Гэршэлгэнүүдые барюулгын ёһолол шэнэ маягаар түрүүшынхиеэ үнгэрөө. 2014 оной февраль һарада «Мировай шүүгшэнүүд тухай» хуулида заһалтанууд оруулагдажа, гэршэлгын дансануудые барюулгын ёһо гурим нарижуулагдаа һэн.
Буряадай Арадай Хуралай спикер мировой шүүгшэнэртэ амаршалгын үгэнүүдтэйгөөр хандаһан байна.
- Улад зон хуулиин эрхэ хүсөөр хамгаалагданхай байха ёһотой. Тиимэһээ таанар гүрэнэй зориг хүсэлые саашань дамжуулха уялгатан болоно гээшэт. Та бүгэдэндэ зон найдан этигэнэ, тиимэл хадань бэлэн бэшэ аша туһатай хэрэгтэтнай амжалтануудые хүсэнэб, - гээд тэрэ тэмдэглээ.
Арадай Хуралай Гүрэн түрын байгуулалтын,өөһэдын хүтэлбэриин, хуули баримталгын болон гүрэнэй албан хэрэгүүдэй асуудалнуудаар хорооной түрүүлэгшэ Борис Ботоев мировой шүүгшэдэй нэрэ хүндэ арад зондоо дүтэ, түргэн мүртөө үрэ дүн һайтай шиидхэбэри абахаһаа сэхэ дулдыдаг гэжэ һануулба. Бүхыдөө Буряад орондо 54 мировой шүүгшэ хүдэлнэ. Һаяын сагта тэдэ бултадаа шэнэ гэршэлгэнүүдые абаха юм ха.
Новости на бурятском языке 29 октября 2014 г., 10:25
Заметили опечатку? Выделите ошибку и нажмите Ctrl+Enter.
Фото: с сайта primschool.ru
Поделиться
Поделиться
Твитнуть
Отправить
Поделиться
Поделиться
Поделиться
Твитнуть
Отправить
Поделиться
