Буряадай мүнгэн һангай олзын хуби 812 млн. түхэригөөр агшаа

Буряадай бюджедэй олзын хуби агшаха тээшээ. Арадай Хуралай депутат Бато Семеновай мэдүүлһээр, 2014 оной эхинһээ һангай хэмжээн 812 млн. түхэригөөр хороо. Гэхэ зуура, республикын бюджедтэ 44,6 млрд. түхэригэй олзо оруулагдаа, гэбэшье 49,1 млрд. түхэригэй гаргаша үзүүлэгдээ. Тиин хоорондохи илгаань 5,1 млрд. түхэриг бүридүүлһэн жэшээтэй.

Ботоевай хэлэһээр, республикын һангай олзо оршын доошолхонь 15 жэлэй туршада түрүүшынхиеэ үзэгдэжэ байна. Юунһөө энэ болобоб гэхэдэ, хэдэн ушарһаа олзо оршын татагдахань бага болоо. Жэшээнь, олзо оршын хэмжээнһээ татагдадаг налог, мүн тиихэдэ архиин зүйлнүүдһээ ородог акцизууд доошолоо.

- 2014ондо бюжедэй агшаха тээшэ байдал депутадуудай һанаа зобооно. Тиимэһээ октябриин 10-да республикын мүнгэн һангай 2015 оной проект харагдаха байха. Доошолхо һэдэлгыень уламжалхада, бюдджедөө бэелүүлхэ гээшэмнай нилээд хэсүү байха гээд хэлэмээр байна. Тиигээдшье һунгагшадайнгаа захилнуудые ерэхэ жэлдэ дүүргэхэмнай гайтайхан лэ байха ха. Эгээл тиимэһээ һаяын сагта бюджедэй гаргашын хубиие бага болгохын тула эдэбхитэйгээр хүдэлхэ хэрэгтэй, - гээд Семенов тэмдэглээ.
Арадай Хуралай түрүүлэгшэ Матвей Гершевич хойто жэлдэ алта мүнгэмнай экономикын тон шухала һалбаринуудта нэн түрүүн дамжуулагдаха гээд өөрын талаһаа ойлгуулаа. Буряад орондо энэмнай хүдөө ажахы ба хүндэ промышленность хоёр болоно. «Энээнһээ боложо хүн зоной ажабайдал хангалтын һалбаринууд бага зэргэ гарзатажа, бэлэн бэшэ байдалда орожо магад», - гээд тэрэ эсэслэхэ юм.