Буряадай Арадай Хурал Улаан-Үдын мэрые сэхэ һунгаха тухай асуудал зүбшэхэ зорилготойгоор олониитын хабаадалгатай уншалгануудые, асуултануудые ба “дүхэриг шэрээнүүдые” үнгэргэхэ һанаатай. Энээн тухай республикын парламентын сессиин дүнгүүдээр үнгэрһэн пресс-хуралдаан дээрэ депутат Борис Ботоев дуулгаа.
Хотын Зүблэлэй соведтэ депутадуудые һунгалта хуулиин ёһоор үнгэрөө гэжэ депутадууд юрэнхыдөө тэмдэглэнэ.
-Гэбэшье арад зоной хотын ехэ даргые өөһэдөө һунгаха хүсэлтэй һаань, Арадай Хурал һунгалта тухай хуулида хубилалтануудые оруулхаар бэлэн. Хэрбээ Хотын Зүблэлэй уставтаа тиимэ хубилалта оруулхаяа арсаашье һаань, республикын парламент хотын засаг зургааниие һунгалтын аргаар бүридхэхэ гурим нэбтэрүүлхэ дүүрэн эрхэтэй, - гээд Ботоев тайлбарилба.
Депутадай тэмдэглэһээр, иимэрхүү ябуулганууд республикын зарим аймагуудта хэгдэһэн байна. Жэшээнь, Сэлэнгын аймагта улад зон аймагайнгаа гулваае сэхэ һунгалтаар томилоо. Үнгэрэгшэ һунгалтада тэдэ Вячеслав Цыбикжаповые гулваагаар һунгаа һэн.
- Би тушаалаа эзэлхэ ёһололдонь байлсаа һэм. Ажаглахадамни ажаһуугшад тэрэниие яһала һайнаар угтажа абаа. Хүтэлхэ хүниие өөһэдөө һунгаһан хадаа тиигэнэ ха. Анхандаа гулвааниинь Аймагай зүблэлэй депутадуудай дундаһаа томилогдодог бэлэй. Би хотын ба аймагай байдал сасуулжа хараад, хотынгоо хутэлбэрилэгшые сэхэ һунгахые дахин бусаажа туршахаар байна гэжэ бодоод байнаб, - гээд Ботоев эсэслээ.
Новости на бурятском языке 29 октября 2014 г., 10:14
Заметили опечатку? Выделите ошибку и нажмите Ctrl+Enter.
Фото: с сайта www.t-l.ru
Поделиться
Поделиться
Твитнуть
Отправить
Поделиться
Поделиться
Поделиться
Твитнуть
Отправить
Поделиться
