Буряадай Арадай Хурал 2015 ондо хуули зохёохо ажалайнгаа түсэб багсаамжалһан байна. Мэдээсэлэйнь албанай дуулгаһаар, түсэб табилгада хэдэн зублөөн зорюулагдаа.
Тиин, ажалай түсэб дотор 38 хуулиин проект оруулагданхай. Тэрэ тоодо, һунгамалнууд бюджет тухай болоод тэрэнэй хэр бэелүүлэгдэжэ байһан тухай хуулинууд харагдаха юм ха. Тэрэшэлэн, олон үхибүүдтэй айлнуудай нэрэ хүндэ тухай, мүн тэдэниие тэдхэн дэмжэхэ арга боломжонууд тухай, хасагууд тухай, гүрэнэй-хубиин гэжэ харилсаан тухай, холын хараатай түсэблэлгэ тухай гэхэ мэтэ хуулинууд тэндэ хараалагданхай байна. Эдэ бүгэдэ тусхай программада оруулагдажа, парламентын декабриин сесси дээрэ баталагдаха зэргэтэй.
Мүн тиихэдэ, 2015 ондо Арадай Хуралда бюджедтэ зорюулгадаһан олоной хабаадалгатай хоёр заншалта уншалганууд болохо. Буряадай социальна-экономическэ хүгжэлтын 2014 оной программын хэр бэелүүлэгдэжэ байһан тухай парламантын уншалга үнгэргэгдэхэ. Гадна, Регион хоорондын холбооной талаар хороон «Соёл болбосорол тухай» республиканска хуулиин хэр бэелүүлэгдэжэ байһан тухай уншалга түсэблэһэн байна.
Арадай Хуралай хороонууд хамта дээрээ 18 «дүхэриг шэрээ» зарлажа, олониитын эдэбхитэдтэй экономикын талаар хүндүүлхэй асуудалнуудые болоод мал ажахын хараа шэглэл тухай хэлсэхэ, тиихэдэ оршон тойронхи агаарай ариг сэбэрые сахиха тухай асуудал, Эсэгэ ороноо хамгаалгын дайнда туйлагаһан Агуу Илалтын 70 жэлэй ойн баярта зорюулагдаһан хэмжээ ябуулгануудые зүбшэн хэлсэхэ. Бусадшье амин шухала асуудалнууд харагдаха, тэрэ тоодо республикын зиндаагай хуули ёһонууд хэр баримталагданаб, яажа тэрэнэй хойноһоо харгалзалха шангадхахаб гэхэ мэтэ бэрхэшээлнүүд ерэхэ жэлдэ зүбшэгдэхээр түсэблэгдөө.
Жэлэй туршада арадай һунгамалнууд республикын аймаг нютагуудаар ажалайнгаа хэрэгээр айлшалха байна. 2015 оной июнь һарада аймагуудай, хото тосхонгуудай зүблэлнүүдэй депутатуудай дүрбэдэхи хуралдаан үнгэрхэ гээд түсэб соонь хараалагданхай.
Новости на бурятском языке 29 октября 2014 г., 09:51
Заметили опечатку? Выделите ошибку и нажмите Ctrl+Enter.
Поделиться
Поделиться
Твитнуть
Отправить
Поделиться
Поделиться
Поделиться
Твитнуть
Отправить
Поделиться
