Вице-спикер Бато Семенов түрүүтэй Арадай Хуралай бүлэг һунгамалнууд «Захааминай мяхан» гэһэн агрохолдингын тусхайта хоёрдохи наймаа нээлгын ёһололдо хабаадалсаа. Республикын парламентын хэблэлэй албанай мэдэсэһээр, агрохолдингын түрүүшын наймаа Улаан-Үдэ хотын Железнодорожно райондо оршодог. Худалдаа наймаанһаа олдоһон мүнгэн малайнгаа тоо толгой олошоруулгада, хоол тэжээл тэдээндээ бэлдэхэ, мүн тусхайта наймаануудые нээхэ хэрэгтэ дамжуулагдаха.
Агрохолдингын хүтэлбэрилэгшэ Бэликто Гомбожаповай һанамжаар, худалдаа наймаанай иимэ газар Захааминай мал ажахынхидай оньһон арга боложо үгөө. Мяха үйлэдбэрилэгшэд олохон жэлэй туршада мяхаяа тушааха, худалдаха бэрхэшээлтэй тэмсэһээр. Сэнгыень хотын бүхы шахуу дэлгүүр наймаануудые эзэмдэһэн дам худалдаашад гол түлэб тогтоодог гуримтай аагша. Тэдэ хүдөөгэй зониие дүтэш хүргэдэгүй гээд мэдээжэ. Тиимэһээл мал ажахы эрхилэгшэд хамтарха гэжэ бодоһон байгаа. Тиин, мүнөө болоходо “Үлэгшэн” , “Захаамин” хамтаралнууд, гадна Санага, Енгорбой, Бортой, Шара-Азарга нютагуудай зон тэндэ оролсонхой.
Гомбожаповай хэлэһээр, иимэ түхэлэй агромаркет олондо һайшаагдаһан захааминай мяханай нэрэ һүлдые мүн лэ хамгаалха үүргэтэй бшуу.
Новости на бурятском языке 29 октября 2014 г., 08:59
Заметили опечатку? Выделите ошибку и нажмите Ctrl+Enter.
Фото: с сайта krasproc.ru
Поделиться
Поделиться
Твитнуть
Отправить
Поделиться
Поделиться
Поделиться
Твитнуть
Отправить
Поделиться
