Иимэ һанамжаяа депутат мэдээсэлэй “Восток-Телеинформ” агентствын сурбалжалагшада интервью үгэхэдөө дуулгаа.
-Һунгагашадай захяа тухай хуулида бүхы захяануудые тааруулхань угаа хүндэ байдаг гээд бишье, минии хамта хүдэлдэг нүхэдэшье тоолодог. Улад зондоо туһалха гэхэдэ харша баримтануудыень хүнгэдхэхэ шухала. Тиимэһээ тэрэ хуулидаа дахяад бусаха байхабди. Энэ хэрэгэйнгээ бүтээ һаань хүнүүдэй нилээд олон захяа гүйсэдхэхэ бэлэй, - гэжэ Арадай Хуралай депутат бодомжолно.
Гүрэн түрын байгуулалтын талаар хороондо ороһон захяанууд олонхи ушартаа хүн зоной байра байдалда хабаатай байгша. Энэ хадаа зайн галай, гэр-байрын ажахын талаар, тойронхи газар талмайнуудые өөдэ татаха тухай, һургуули, хүүгэдэй сэсэрлигүүд тушаа болон бусад асуудалнууд болоно.
-Жэшээлхэ болобол, манай партиин нэрээр 200 гаран захяа ороо, тэдэнэй үсөөхэниинь лэ хуулиин эрилтэнүүдтэ таарагша. Гэбэшье һаань, ажаһуугшадайнгаа гуйлта эрилтэнүүдые саашадаашье олоор абажа, бэелүүлхые э оролдожо байхабди, - гээд Арадай Хуралай хорооной түрүүлэгшын орлогшо эсэслээ.
Новости на бурятском языке 1 июня 2014 г., 08:02
Заметили опечатку? Выделите ошибку и нажмите Ctrl+Enter.
Фото: с сайта belgorod.er.ru
Поделиться
Поделиться
Твитнуть
Отправить
Поделиться
Поделиться
Поделиться
Твитнуть
Отправить
Поделиться
