Иигэжэ Гүрэн түрын байгуулалтын, нютагай өөһэдын хүтэлбэриин, хуули ёһонуудай ба гурэнэй алба хаалгын талаар хорооной түрүүлэгшын орлогшо Виктор Малышенко бодомжолно. Гэхэ зуураа, зарим депутадууд Арадай Хуралай тоо бүридэл үсөөрүүлхые дэмжэнэ гээшые баталан зүбшөөбэ.
-Арадай Хурал гээшэмнай ганса хуули ёһонуудые абадаг зургаан бэшэ, зүгөөр улад зоной һанаа бодол дамжуулдаг зургаан мүн болоно. Тиимэһээ депутадуудай тоо үсөөрүүлхэдээ холуур байдаг хүдөө нютагуурхидай эрхэнүүдые хашаһан удхатай. Тиигээдшье, ямар нэгэ албан эмхиин тоо бүридэл үсөөрүүлхэдөө һангай гарзануудые бага болгохотой заабол холбоотой бэшэ. Арадай Хуралай депутадуудай тоо үсөөрүүлжэ, тэрэниие мүнгэнэй хангалтада оруулжа мэргэжэлүүлхэ гээшэтнай гарзануудые бүрил ехэ болгожо магад шуу. Иимэрхүү хэмжээнүүдые одоо тэнсүүлжэ хараха шухала. Нэн түрүүн зонойнгоо һанамжа мэдэхэ ххэрэгтэй, - гээд Малышенко тайлбарина.
Улаан-Үдын хотын совет нютагаархидаа ба политик партинуудай талаһаа түлөөлгэтэй байһан һаа Арадай Хурал шэнги бэшэ шэнэ зарлалдаа ганса нютагаархидай түлөөлгэтэй һууринуудтай байха гээд дДепутат Малышенко һануулна.
- Зүб шиидхэбэри абтаа гү гэжэ саг харуулха байха. Теэд һунгалтада, политическэ партинуудта хабаатай асуудалнуудай үргэлжэ һэлгүүлэгдэжэ байхада би ходол һэжэглэгшэб. Арай шамай дадажа зонойнгоо байхада дахяад юумэнэй хубилхада хэншье гайхахал. Жэшээнь, депутадта дэбжүүлхэ һанаатан улад түмэндөө хүсэл зорилгоёо дамжуулжа үрдинэгүй бшуу, - гэхэ мэтэшэлэн коммунист Малышенко бодмжолһоноо мэдүүлөө.
Новости на бурятском языке 19 июня 2014 г., 05:22
Заметили опечатку? Выделите ошибку и нажмите Ctrl+Enter.
Поделиться
Поделиться
Твитнуть
Отправить
Поделиться
Поделиться
Поделиться
Твитнуть
Отправить
Поделиться
