Гүрэнэй Дүүмэдэ түрүүшын уншалгаар абтаһан тэрэ проектые Арадай Хуралай Гүрэн түрын байгуулалтын, нютагай өөһэдын хүтэлбэриин, хуули ёһонуудай ба гурэнэй алба хаалгын талаар хорооной түрүүлэгшын орлогшо Виктор Малышенко тайлбарилжа үгэбэ. “Восток-Телеинформ» агентствын сурбалжалагшада Малышенко Гүрэнэй Дүүмэдэ бэеэрээ тэрэ үедэ байгааб гэжэ хөөрөө.
- Юристнуудай, депутадуудай, Свердловск хотын мэр Евгений Ройзманай гэхэ мэтэ зонуудай һанамжануудые шагнааб. Тэдэнэй дунда нэгэнииньшье һайн хубилалтанууд хэгдээ гэжэ бодомжолһон хүн үгы. Нэгэдэхи муунь гэхэдэ, бүгэдын һунгаһан депутадуудай тоо үсөөрүүлэгдэнэ. Хоёрдохинь гэбэл, мэр гү, али аймагай зүблэлэй түрүүлэгшэ гурбан зиндаагай аргаар һунгагдахадаа зонһоо холо таһархай байха. Гурбадахи муунь гэхэдэ, хото городуудай районууд амяарлагдахадаа хуу булта анги боложо хахаржа магад, - гээд Малышенко тэмдэглээ.
Гэхэ зуура, зарим тушаалтан болон депутадууд дээрэ дурдагдаһан хуулиин проектые зүб гэжэ һанамжална. Тэдэнэй бодоходо, нютагай өөһэдын хүтэлбэриин байгуулалтые хубилгахада тэрэнь нютагай засаг зургаануудые хүн зондо бүри дүтэлүүлхэ, харюусалгыень дээшэлүүлхэ гээд ойлгуулха байна. Тус хуулиин хоёрдохи уншалгада регионуудай дурадхалнууд хараада абтаха жэшээтэй гээд тэмдэглэе.
Новости на бурятском языке 19 июня 2014 г., 05:14
Заметили опечатку? Выделите ошибку и нажмите Ctrl+Enter.
Фото: с сайта kprf.ru
Поделиться
Поделиться
Твитнуть
Отправить
Поделиться
Поделиться
Поделиться
Твитнуть
Отправить
Поделиться
