Матвей Гершевич: Гүрэнэй дэмжэлгын ашаар Буряад орондо нарайлагшадай тоо жэл бүри дээшэлнэ.

Буряадай Арадай Хуралай түрүүлэгшэ Матвей Гершевич Улаан-Үдэдэ Уласхоорондын XI дүгээр “Россиин айл бүлэ” гэһэн конгресс нээлгэбэ. Айл бүлэнүүдые, эхэ болоод үхи хүүгэдэй эрхэнүүдые хамгаалха талаар гүрэн түрын зүгһөө холын хараатай хэмжээ ябуулганууд, илангаяа, абтаһан хуули ёһонууд республика дотор нарайлха ушарнуудай тоо жэл бүри дээшэлүүлнэ гээд спикер мэдээсээ. “Демографическэ байдал һайжаруулха хэрэгтэ энэмнай тон ехэ хабаатай”, - гэжэ тэмдэглэхэнь зүйтэй.

Нёдонодоной баримтануудаар бүхэли жэлдээ арад зоной олошорхонь ажаглагдажа байгаа. Тиин жэлэй эсэсэй дүнгүүдээр республика 5607 хүнөөр нэмээ. Энэмнай урдахи 2012 онойхиһоо 13,5% -оор дээшэлһэн удхатай. Юрэнхыдөө, 2013 ондо 17 145 нялха нарайнүүд түрэгдөө гэхэ гү, али 179 –өөр урзанданайхиһаа дээшэлээ.

Регион дотор олон үхибүүдтэй айлнуудта онсо анхарал хандуулагдана. Жэшээнь, зургааһаа дээшэ үхибүүтэй айлда мүнгэн туһаламжа хараалагданхай, тэрэшэлэн гурбан гү, али тэрээнһээ дээшэ үхибүүдтэй айлда буусаяа бариха газарнуудые миинтээр үгэхэ, үгы һаа гэр абаха тэдхэмжэ хараалһан республикын хуулинууд абтанхай. Гадна олон үхибүүтэн эмшэлгын, һуралсалай, хүүгэдэй амаралтын талаар хүнгэлэлтэнүүдтэ хүртэхэ эрхэтэй.

- Ядаруу байдалтай айлнуудай тоо шадаал һаа үсөөрүүлхэ, амиды түрэлхидэй байхада үншэн үлбэр үлэхэ ушарнуудые усадха шухала, -гээд Гершевич тэмдэглээ.

Нёдонодо 122 үхибүүн үргэгдэжэ айлда абтаа, 4 мянган хүүгэн харгалзалгада оруулагдаа. Согсолходо, хүүгэдэй байшангуудһаа үргэмэл айлда ороһон хүүгэдэй тоо 44%-до хүрөө.