Бату Хасиков: Буряад орон намай одоо баясуулаа

Кикбоксингоор дэлхэйн абарга Бату Хасиков Улаан-Үдэдэ ерэнхэй. Арадай Хуралай түрүүлэгшэ Матвей Гершевичтэй уулзахадаа урилгын ушараар баяраа хүргэхэ зуураа, саашадаашье харилсаха найдалтайгаа мэдүүлээ.

- Буряад орон ерэхэһээ урид үнихэнэй иимэ баясхалан үзөөгүй байгааб. Танай республикада заншал түүхэдээ, элинсэг хулинсагуудтаа,бусадшье үндэһэ яһатанда хэнһээш онсо ондоогоор хандадаг байна. Энээниие ерэһээр ойлгооб. Энээхэн хэды саг соохоно Буряад орон нютаг намай одоо дурлуулжа үрдеэ, - гээд тамиршан тэмдэглээ һэн.

Өөрын талаһаа Арадай Хуралай спикер Матвей Гершевич Бату Хасиков ганса Буряадай залуу тамиршадай һажаан эрмэлзэхэ жэшээ бэшэ, зүгөөр политикыншье зам шэлэгшэдые урмашуулан дугшуулха амиды жэшээ мүн гээд тэмдэглээ. “Бату манай региондэ нэгэтэ бэшэ айлшалха аабза. Нэрэ солотой энэ тамиршаниие республика дотор үнгэрдэг ехэ-ехэ мүрысөөнүүдэй үедэ харадаг лэ байха найдамтайбди”, - гэжэ Гершевич нэмээ.

Хасиков Буряад орон руу харгылхадаа ганса тамиршанай хүндэдэ гэжэ буугаа бэшэ, харин “Зүүн, Баруун зүгүүдэй дайшалхы ба спортын тэмсээн: түүхэ, мүнөө саг, хараа шэглэл” гэһэн эрдэмэй-практическэ уласхоородын хуралдаанда Россиин Федерациин Соведэй Хальмаг ороной сенаторай тушаал нэрэһээ түлөөлгэтэй. Тэрэнэй хэлэһээр, регион хоорондын харилсаа, илангаяа, тулалдаа тэмсээнүүдые хүгжөөхэ, мүн Орос гүрэнэйнгөө нэрэ хүндые хамгаалан ябадаг тамиршадые дэмжэхэ арга боломжонуудые хуралдаан дээрэ зүбшэн хэлсэхэ хүсэл бии.