Буряад Уласай толгойлогшо улас дотор кинотеатрнууд юундэ нээгдэнэгүйб гэжэ ойлгуулба. Халдабарита үбшэнэй үргэнөөр дэлгэрһэн байдалай тогтожо байбашье, Роспотребхиналтын тогтооһон хэмжээнэй харуулһан тоогой хүсэгдөөгүйдэ хизаарлалтынь болюулха шэнэ шатада орожо болохогүй.
- Энэ асуудал аюулай хэмжээнэй бэшэ. Зоноор дүүрэн олониитын автобус соо ябахада, кинотеатр соо һууһанһаа - аюулынь ехэ. Харин автобус – ажамидаралда хэрэгтэй. Олониитын автобус бидэ байлгаад, зоной ябахыень хорихо аргагүйбди. Энэ хүн зоной ажамидарал хангалга болоно. Энэл шалтагаар наймаанай дэлгүүрнүүдые хаажа болохогүй. Харин кинотеатрнууд ажамидарал хангалгын объектдэ ороногүй. Кинотеатр ошоогүйдэ нэгэ бага уйтайшаг, тиигэбэшье ажамидаралда тон хэрэгтэй зүйл бэшэ, - гэжэ тэрэ хэлэбэ.
-Тиихэ зуура кинотеатрнууд гарзада ороһон үйлэдбэриин зургаануудай тоодо оронхой, тиимэһээ дэмжэлгын хэмжээндэ хүртэхэ аргатай. Кинотеатр гү, али бассейн соо короновирус үбшэнөөр халдалгын аюул бага, тиигэбэшье, хоёр зүйл эндэ байна: нэгэдэхеэр, - кинотеатрнууд – ажамидаралда шухала бэшэ, хоёрдохёор, Роспотребхиналтын бэшэһэн захиралтаар хизаарлалта болюулалга гурбан шататай. Буряад Улас мүнөө сагта түрүүшын шатада, - гэжэ А. Цыденов хэлэнэ.
