«Соёл» гэжэ үндэhэтэнэй түсэлэй дүнгөөр Буряад Улас Россиин нютаг можонуудай дунда эрхимүүдэй тоодо оробо. Тиимэhээ, Буряад орон ондоо нютаг можонуудта манай уласай дадал шадабари харуулхыень жэшээ болгон шэлэгдээ. Ородой Холбоото Уласай Соёлой яаман хэдэн баримтануудаар hайн үрэ дүнгүүдые харуулһан 4 нютаг можонуудые, тэдэнэй тоодо манай Буряад Уласые шэлэжэ абаба. Тиимэһээ, манай Буряад Улас дадал шадабаряараа хубаалдаха: хайшан гэжэ үндэhэтэнэй түсэл бэелүүлхэб, яагаад хүн зониие эдэбхитэйгээр энэ түсэлнүүдтэ хабаадуулхаб»,- гэжэ Буряад Уласай Засагай газарта тэмдэглээ.
Орос Уласай Юрэнхылэгшын «О национальных целях и стратегических задачах развития Российской Федерации на период до 2024 года» гэһэн захирал бэелүүлгын хэмжээн соогуур «Соёл» гэжэ үндэhэтэнэй түсэл 2019 оной январиин 1-һээ бэелүүлэгдэнэ.
«Соёл» гэжэ үндэhэтэнэй проект бэелүүлхын тула Буряад уласта 2023 он болотор бүхыдөө 400 миллион түхэриг һомологдохо гэжэ баталагданхай. Мүнөөдэрэй байдалаар соёлой байшангуудай заһабарилгада, кинотеатрнуудай, шэнэ номой сангуудай, виртуальна тоглолтонуудай танхимуудай нээлгэндэ, хүгжэмэй инструментнүүдые абалганда ба бэшэшье ондоо юумэндэ 90 миллион түхэриг һомологдонхой.
Жэл бүхэндэ 2023 он болотор бүхы улас дотор соёлой байшангууд һэльбэн шэнэлэгдэхэ, соёлой һургуулинуудые хүгжэмэй инструментнүүдээр хангалгын 2-дохи шата эхилхэ. Гусиноозёрск, Закаменск хотонуудта виртуальна тоглолтонуудай танхимууд нээгдэхэ.
