Буряад уласта депутадууд нютагай толгойлогшонорто морин хуурнуудые бэлэг болгон бариба: Арадай Хуралай депутадууд Солбон Дашинимаев болон Мүнхэ Буянтуев хоëр Сэлэнгын аймагай нютагуудай толгойлогшонорто өөрын мүнгөөр абаһан морин хуурнуудые бэлэг бариба. Солбон Дашинимаевай хөөрэһөөр, Буряад уластамнай үндэһэн арадай ëһо заншал һэргээхэ хэрэг шухалаар гаранхай.
- Юунһээб даа эхилхэ хэрэгтэй. Морин хуур гээшэмнай буряад зоной эгээл мэдээжэ зэмсэг. Тиимэһээ депутат Мүнхэ Буянтувтай хамта морин хуурнуудые бариха гэжэ шиидээд, энэ хэрэг эрхилбэбди, - гээд Дашинимаев хөөрэбэ.
Депутадуудай бэлэгүүдые нютагай толгойлогшод хэр үргэжэ абаа хаб гэжэ дуулгагдаагүй. Гэбэшье, Сэлэнгын аймагта 2019 ондо морин хуурай наада үнгэргэхэ үүсхэл бии, гээд тэмдэглэгдэнэ. Морин хуур дээрэ хүгжэмлэхэ хүсэлтэй зондо хэшээлнүүдые үгэхэ хүн олдонхой, гээд мүн лэ тэмдэглэгдэбэ. Соëлой «Шахтер» байшангай зарлал Эдуард Сампилов нютагуудаар ябажа, дуратай хүнүүдтэ хүгжэмэй хэшээл зааха тухайгаа мэдүүлһэн байна.
Морин хуур гээшэ монгол тургата арадуудай хоëр хүбшэргэйтэй хүгжэмэй зэмсэг мүн. Морин эрдэниин хүүр-дуун гэһэн удхаһаа тэрэ нэрэеэ һабагшална. Монгол орондо, Хитад болон Орос уласуудта дэлгэрэнхэй юм. Оросой Холбоондо Буряад улас, Эрхүү можо, Үбэр Байгалай хизаарһаа гадна Хальмаг орондо мүн лэ морин хуурай хүгжэм зэдэлдэг агша. Хоëр хүбшэргэйнь гэбэл, эрэ эмэгтэй гэжэ илгардаг. Эрэ хүбшэргэйнь мориной һүүлэй зуу дүшэһөө зуун жара хүрэтэр үһэ хилгааһанһаа бүридүүлэгдэдэг ëһотой, харин эмэгтэйнь – зууһаа зуун хори хүрэтэр үһэн утаһанһаа татагдадаг юм байна. Хамта дээрэ тэдэ гурбан зуун жаран таба байха зэргэтэй, энэнь түхэреэн жэлэй үдэрнүүдэй тоо дууряан тэмдэглэһэн удхатай.
