Улаан-Үдэ хотодо 29 дүгээр гимнази буряад хэлэнэй габшагй һара тэмдэглэнэ. Октябрь һарын туршада буряад хэлэнэй габшагай һарын хүреэндэ Буряад хэлэнэй габшагай һарада зорюулалтатай “Эхэ хэлэн – арадай сэдьхэл һанаан” гэһэн һурагшадай зохёохы ажалай наадан үнгэрнэ.
Энэ нааданда түрэлхи хэлээ үзэлгэдэ һонирхол түрүүлхэ, хизаар ороноо шэнжэлэлгээр, түүхээр болон эхэ оронойнгоо уламжалалата соёлоор һонирхуулха, урилдаанда оролсогшодой зохёохы ажалай хүсэн шадалые нэмэгдүүлхэ гэһэн зорилгонууд табигдаа. 1-11 ангиин һурагшад, мүн баһа гимназиин аба эжынэрэй ниигэм энэ нааданай оролсошод болохо аргатай. Оролсогшод урилдаанда иимэ номинацида урилдана: «Минии түрэлхэлэн – минии баялиг» гэһэн сэдэбээр мэндэшэлгэ; «Түрэл нютагаамагтан дууланаб» - уран уншалга (түрэлхэ хэлэн дээрээ ямар нэгэ уран зохёолһоо нэгэ хэһэг уншалга); «Нютагай баян аялга» - дуу гү, али бүжэг гүйсэдхэхэ, хүгжэмэй зэмсэг дээр наадаха). Үшөө нэгэ номинаци – “Түрэлхэлээмагтан…” – эндэ болбол буряад хэлэн тухай ханын сонин гаргалга болоно.
Нааданай хүреэндэ бүхы оролсогшод иимэ арга хэмжээндэ оролсоо гэбэл: «Буряад хэлэн баян даа!»гэһэн флэш-моб. Эндэ һуурин газарай олоной байһан газарта гэб гэнтэ үндэһэн хубсаһатай хүнүүд бии боложо, тойроглон байжа, ээлжэлэн нэгэ хэдыхэн минутын туршада шүлэг уншаад лэ, тарашана. Буряад хэлэнэй хэшээлнүүдтэ, ута хонхын забһарлалай үедэ энэ арга хэмжээн үнгэрнэ. Үнгэрхэ газарынь болбол хэлсэһээр болоно. Үнгэрхэ болзор октябриин 12-һоо 24 болотор. Тиихэдэ оролсогшод «Буряадхэлэн03»акци дэмжэнэ – гимназиин номой санда энэ үзэсхэлэн үнгэрнэ. Гэхэтэй хамта, интернет-асуулта үнгэрнэ. «Түрэлхэлэндээрээуншая» гэһэн видео эстафета үнгэрнэ. Энэ эстафетэдэ бүхы дуратайшуул уригдана. Акциин дараа хоёр үдэр үнгэрһэн хойно интернет-һанал абалгаар дүн (“лайкануудай” тоогоор) гараха, зохёон байгуулагшад гурбан илагшадые элирүүлхэ юм.
