Буряад Уласай ТолгойлогшоАлексей Цыденовэй хүтэлбэри доро буряад хэлэнэй хороондо эхин шатын һургуулинуудта буряад хэлэ нэбтэрүүлхэ тухай асуудал зүбшэн хэлсээ. Тэрэ тодо буряад хэлэ заалга нэгэдэхи ангида заалга үгы байна – тэрэнь хүүгэдэй сэсэрлигүүдтэ олоһон хэлэ үзэхэ талаар дүнгүүдые үгы болгоно.
Буряад Уласай Толгойлогшо Минобразованида 1-дэхи ангиһаа буряад хэлэнэй хэшээлнүүдые нэбтэрүүлхэ боломжые хаража үзэхыень даалгаа.
Тиихэдэ буряад үндэһэнэй хүүгэдэй тоогой олон байһан улаан-үдын ехэ һургуулинуудта буряад хэлэн түрэлхи хэлэн гээд үзэхэ талаар ангинуудые түрэлхидэй һанаагаар бүридүүлхэ тухай дурадхал ороо.
- Мүнөө хотын һургуулинуудта олон буряадууд һурана. Буряад хэлэ үзэхэ дуратай хүүгэдые нэгэ ангида суглуулха боломжо бии гээшэ гү? Совет үедэ тиигэжэ болодог байгаа. Юундэб гэхэдэ, мүнөө һургуулинуудта долоон хоногто оройдоол нэгэ саг соо үзэгдэнэ, - гэжэ «Буряад ФМ» радио-субагай захирал Жанна Дымчикова асуудал табяа.
- Томохон һургуулинуудта энээниие хэжэ болоно. Мүнөө дээрээ Автотранспортна гудамжаар һургуули бүридхэхэ болонобди, тэндэ тиимэ эрхэ нүхэсэл хараадаа абагты, - гэжэ Алексей Цыденов Улаан-Үдэ хотын захиргаанда даабари үгөө.
Улаан-Үдэ хотын болбосоролой хорооной түрүүлэгшэ Татьяна Митрофановагай мэдээсэһэнэй ёһоор, 29 дүгээр гимназида ангинууд туршалтын аргаар бүридхэгдөө һэн, тиигэжэ тэрэ туршалга ондоо һургуулинуудта хэгдэхэ. Болбосоролой ба эрдэм ухаанай сайдай үүргэ дүүргэгшэ Валерий Поздняковай хэлэһэнэй ёһоор, Ивалгын аймагай Поселиин һургуулида 1-дэхи ангиинуудай арбан ангинуудай хахадынь буряад хэлэн түрэлхи хэлэн гээд үзэнэ гэжэ Буряад Уласай Засагай газарай холбоосоор Восток-Телеинформ мэдээсэнэ.
