Загарайн аймагай Шэнэ-Бууса хүдөө һууринда фельдшерско-акушерскэ шэнэ пункт нээгдээ. “Элүүрые хамгаалга” гэһэн гүрэнэй үндэһэн түсэлэй “Элүүрые хамгаалгын эхин шатын звено шэнэдхэлгэ” гэһэн федеральна түсэлэй хэмжээн соо шэнэ ФАП баригдаа гэжэ Буряад Уласай Минздравһаа һабагша болгон Восток-Телеинформ мэдээсэнэ. – Тиигээд мүнөө арюун сэбэрэй-эпидемиологическа дүгнэлтэ абаха хэрэгтэй байна, - гэжэ Загарайн ЦРБ-эйн юрэнхы эмшэлэгшэ Виталий Бабаев хөөрэнэ.
Объект барилгын бүхы шатануудые Буряад Уласай Элүүрые хамгаалгын яаман хинажа байгаа юм. Ноябрь соо барилгын дүүргэлтэ шалгахын тула энэ объектдэ Буряад Уласай Минздравай мэргэжэлтэд ерээ һэн.
- Буряад Уласта “Элүүрые хамгаалга” гэһэн гүрэнэй үндэһэн түсэлэй ашаар шэнэ объектнүүд олоор баригдана. Байгша ондо 8 ФАП-ууд болон эмнэлгын 4 амбулаторинууд ашаглалда оруулагдаха, 2023 ондо 85 сая түхэригтэ үшөө 6 объектнүүд баригдахаар хараалагдана, - гэжэ Буряад Уласай засагай газарай түрүүлэгшын орлогшо - Буряад Уласай элүүрые хамгаалгын сайд Евгения Лудупова хөөрэнэ.
