Улаан-Үдэдэ “Энерготехномаш” гэһэн АО-гой байшан соо үйлэдбэриин бүтээлнүүдые үйлэдбэрилхээр зохёогдоһон региональна түрүүшын талмай нээгдэбэ. Энэнь үйлэдбэриин паркын альтернатива болоһон юм. Үйлэдбэриин газарай ниитэ талмай юрэнхыдөө 6,3 мянган дүрбэлжэн метр болоно.
«Энерготехномаш» гэһэн акционернэ бүлгэмэй арендэдэ абаһан байрада найман резидент хүдэлнэ. Энэ хадаа хубиин технологиин парк гэжэ нэрэтэй. Энэ хадаа гэрэй эдлэл, уридшалан бүтээгдэһэн модульна байшангууд, түмэр профиль бүтээлнүүд, агааржуулга, туалетнэ саарһа, шала дэбисхэр үйлэдбэрилгэ болоно.
Буряад Уласай толгойлогшо Алексей Цыденов «Энерготехномаш» гэһэн АО-гой бааза хүрэбэ.
- Бидэ уласай бюджедһээ арендын нэгэ дүрбэлжэн метр һарын туршада 150 түхэриг тэдхэмжэ үгэнэбди. Ажаһуугшадта гэрэй түлбэри тон хямда – оройдоол 130 түхэриг. Талмай ашаг үрэтэйгөөрхэрэглэгдэнэ. Тиимэһээ бидэ дэмжэхэбди, саашадаа арендын энэ гаргаша тэдхэжэ, арад зомнай мүнгэ олохо, гэр бүлэдөө олзо оруулхын тула арга боломжо зохёохобди, - гэжэ Алексей Цыденов онсолон тэмдэглэбэ.
Мүнөөшье болотор 1100 дүрбэлжэн метр талмай сүлөө бии. «Энерготехномаш» гэһэн АО-гой хүтэлбэрилэгшын туһалагша Руслан Архиповай тэмдэглэһээр, саашадаа нэмэлтэ 600 дүрбэлжэн метр талмай бэлдэхэ аргатай. Үйлэдбэриин талмай дээрэ ажаһуугшадые һуулгаха ушар хадаа үйлэдбэриин һалбаринуудта заатагүй ажаллаха, ондоогоор хэлэбэл, эдеэ хоолой үйлэдбэри байгуулха эрилтэнүүдтэ тааранагүй.
