Муйскын аймагта харгы барилгын албанай тусхайта бааза нээгдэбэ. Тус баазада тусхай тоног техникын ангар, заправка, автономито подстанци болон хүдэлмэрилэгшэдэй байхагэр байранууд табигданхай. Үйлэдбэриин талмай нёдондо жэл ажаллажа эхилһэн, албан ёһоной нээлтэ үдэрэй урда тээ болоһон байна.
Мүнөө тус албанай штат гушан долоонажалшадтай, тэдэнэй тоодо юһэн сүлөө һуури үшөө нээлтэтэй эзэлэгдээгүй байна. Тусхай техникын 12 нэгэдэл мэдэлдэ байна гэжэ Буряад Уласай засагай газар мэдээсэнэ.
Мүнөөдэр Буряад Уласай харгы барилгын албан Муйскын аймагай региональна харгынуудые заһабарилха заһабарилгын ажал эршэтэй ябуулжа байнхай, бүхыдөө 204,2 модоной утатай харгыда ажал ябуулагдана.
- Харгы барилгын албан болбол уласай Толгойлогшо Алексей Цыденовэй даабаряар нёдондо жэл ажалай хэрэгээр Муйскын аймагаар ябажа ерэһэнэй дүнгөөр байгуулагдахаар болоо һэн бэлэй. Мүнөөдэр тус эмхи авто-замуудые, хүүргын байгууламжануудые заһабарилгын хэмжээндэ хүдэлнэ, мүн заһабарилгын ажал ябуулна. Байгша ондо Муйскын аймагай харгынуудые заһабарилгада 130 сая тухай түхэриг һомолообди, - гэжэ Буряад Уласай унаатээбэриин, элшэ хүсэнэй болон харгын байгууламжа хүгжөөхэ талаар сайд Александр Гоге тэмдэглэбэ.
