Дэрэстэһууринһаа холо бэшэ наранай сахилгаан станци баригдха. Тэрэнэй хүсэн шадалынь 50 Мвт болохо. Ерэхэ жэлэй июль соо барилгын байгуулга ажалаа дүүргэжэ, энэ объектые ашаглалда оруулха түсэбтэй. Хүрэнгэ оруулалтын хэмжээн болбол 5 млрд гаран түхэригтэ хүрэнэ.
Госстройжилнадзорто наранай сахилгаан станци барижа эхилхэ тухай дуулгаһан бэшэгые барилгын байгуулга эльгээгээ, тиигэжэ тэрэ байгуулга энэ объект бариха. Баригша болбол: барилга хэхэ зүбшөөрэлһөө эхилээд, шэнжэлэлгын тобшолһон дүн, түсэл гаргаһан болон зүбшөөрэлгын бэшэг баримтанууд хүрэтэр бүхы хэрэгтэй бэшэг баримтануудай багса үзүүлээ.
- Гэхэтэй хамта, һаяын сагта Бэшүүр аймагай Бага Хунали һууринай хажууда үшөө нэгэ сахилгаан станци барилга эхилхээр хараалагдана. Тэрэнэй хүсэн шадалынь болбол 50 Мвт болохо. Иимэ түсэлнүүдые бэелүүлгэ болбол сахилгаанаар хангалгын байгуулгые бата найдабаритай болгоно болон уласай хүрэнгэ оруулалтын таатай оршон нүхэсэлые юрэнхы дээрэнь дээшэлүүлнэ. Шэнэ СЭС хүсэндэнь оруулхада нютагай ажаһуугшадта 20 ажалай байра бии болохо, - гэжэ Буряад Уласай засагай газарай зампред Евгений Луковников тэмдэглээ.
СЭС баригдахаһаа гадна автомашинын харгы тиишэ табигдаха болоно.
