Буряад Уласай Засагай газар түрүү ээлжээндэ байһан сэрэгшэдые дэмжэһээр байна. 60 сая түхэриг техникэ болон хубсаһа хунар худалдан абалгада һомологдоо. Энээн тухай Буряад Уласай Толгойлогшо Алексей Цыденов өөрынгөө телеграмм-канал соо бэшэнэ гэжэ Восток-Телеинформдуулгана.
Сэрэгшэдтэ УАЗ пикап техникэ, сэрэгэй үмэдхэл, квадрокоптернуудые, зэмсэгэй ноборнуудые, хүдөө хээрэ байгаад техникэ заһабарилха домкрадууд, тепловизионно прицелнүүд, ашаа хүргэхэ болон буулгаха байгуулга болон бусад эд хэрэгсэлнүүд болоно.
- Эрэгтэйшүүл, бидэ танаараа хамта байнабди! Түргэнөөр ба шууд лэ танай захиһан юумэ абажа эльгээнэбди. Сэрэгшэдэй аюулгүй байдал ба ашаг үрэтэй байлга – бидэнэй түрүү ээлжээндэ табинабди. Хамта илахабди, - гэжэ Цыденов өөрынгөө пост соо тэмдэглэнэ.
Урид Улаан-Үдэдэ 4 дүгээр хотын эмнэлгын ажалшад СВО-до байһан сэрэгэй эмшэдтэ “УАЗ” автомашина худалдан абаа һэн. Санитарна автомашина сэрэгэй эмшэдэй бригадада ябаха болоно. “Буряад Улас дэмжэжэ шададаг. Хоёр жэлэй туршада үбшэн тахалтай эмшэд тэмсэлгэ хээ һэн. Бүхы улас дэмжэжэ туһалжа байгаа. Харин мүнөө эмшэд сэрэгшэдтэ өөһэдын туһаламжа эльгээнэ. 4 дүгээр хотын эмнэлгын ажалшад өөһэдөө мүнгэ суглуулжа, УАЗ автомашина худалдан абаа – энэ санитарна автомашина сэрэгэй эмшэдэй бригадада хэрэглэгдэхэ болоно. Иимэ тээбэри урда талын газарһаа шархатагшадые абахань ехэ хэрэгтэй”, - гэжэ Буряад Уласай толгойлогшо Алексей Цыденов мэдээсэнэ.
