Хоёр сая хүн – эды шэнээн аяншалагшад Буряад орондо буухаар түсэблэгдэнэ. Декабриин 7-до уласай толгойлогшо Вячеслав Наговицынай дуулгаһаар, энэ тоо Байгал далайн ариг сэбэртэ һаад асархагүй. 2016 оной дүнгүүдээр энэ баримта нэгэ саяһаа дээшэ гарахаар хараалагдана. Багсаамжалхада энэ жэл нэгэ сая 40 мянган хүн наашаа ерэһэн байна. 2007 онойхитой сасуулхада аяншалагшадай тоо 4,5 дахин дээшэлээ.
Гурбан жэлэй туршада аяншалгын һалбарида улам ехэ анхаралай хандуулагдаһанһаа 1,7 миллиард мүнгэн улас түрын һанһаа гаргашалгдаа. Зүгөөр инвесторнууд гурба миллиард түхэриг асараа. Һүүлэй табан жэлэй туршада хамта байлгын 580 арга байгуулагдаба. Тиин нэгэ доро хоёр мянган хүниие байрлуулха арга олгогдоһон удхатай.
Хари гүрэнүүдһээ айлшадай буухань олошороо. 2015 ондо Хитад Уластай Сайн болоод Торгоной замуудые хүгжөөхэ тухай хэлсэһэнэй ашаар тэндэһээ арбан поезд аянншалагшад бууһан байна. Монголһоошье айлшад олон болоо. Эндэ 2014 ондо визэгүй гуримай гэмтэррүүлэгдэһэниинь сэхэ нүлөөтэй. Мүнөө сагта һая хүгжэжэ захалһан гүрэнүүдэй эрхэтэдтэ Буряад орондо 72 часай айлшалга хараалха тухай асуудал шиидхэгдэжэ байнхай, - гээд толгойлогшо нэмэнэ һэн.
