Улаан-Yдэ хотодо Арадай Хуралай hунгамалнууд ба хотын захиргаан Илалтын дурасхаалай хүшөөгэй хажуудахи багахан сэсэрглигэй hэльбэн шэнэлгын 2-дохи шата бэелүүлхын асуудалаар албанай хэрэгээр гаража суглаа үнгэргэбэ. Сэсэрлигэй байдал хараhанай удаа сугларhан ноёд заhабариин хэмжээ ябуулгануудые тодорхойлжо, hэльбэн шэнэлгын 2-дохи шата ба зүүн таладань модо тарилгын арга боломжын шэнжэлэлгэ үнгэргэбэ.
Илалтын дурасхаалай хүшөө - Улаан-Yдэ хотодо ехэ ниитын удха шанартай, эндэ Эсэгэ ороноо хамгаалгын Агууехэ дайнай дурасхаалай хэмжээ ябуулганууд үнгэргэгдэдэг гэжэ Хуралда тэмдэглэгдээ. Илалтын дурасхаалай хүшөөгэй хажуудахи скверэй хангамжын асуудал хододоо hунгамал Андреян Зыбыновай хиналта доро байдаг. Энэ hунгамал мемориалай ганса ариг сэбэрэй, бꝩтэн байлгахын асуудал бэшэ, харин саг үргэлжэ багахан сэсэрлигые hэльбэн шэнэлжэ, сэнгэхэ сэсэрлиг болгохо асуудал бодхоодог.
Арадай Хуралай 12-дохи сесси дээрэ hунгамал А.Зыбынов Уласай толгойлогшо А. Цыденовай урда энэ асуудал бодхоогоо. Агууехэ Илалтын 75-жэлэй ойн баярай жэлдэ «ерээдүй сагта зорюулагдаhан хэлбэришэгүй шухала шиидхэбэри абалга» тон шухала гэжэ hунгамал онсолон тэмдэглээ. Энэл асуудалаар ветеранууд хандаhан байна.
Албанай хэрэгээр гаража үнгэргэhэн суглаанай дүнгөөр Илалтын Парк болгохо hэргээн шэнэлгын түсэлдэ дурадардхалнуудые бэлдэлгэ тухай шиидхэбэри абтаа.
