2006 оной ноябриин 30 болотор баригдаhан гаражнуудай эзэд тэдэнээ ганса өөрын зөөриин тоодо нэрэ дээрээ оруулха аргатай болобо. Сесси дээрэ федеральна хуули тогтоолгын зарим эрхэ бэелүүлгэ хараада абтаба. «Оросой холбоото уласай хуулиин тогтоолдо хубилалта оруулга тухай» гэhэн хуулиин түсэбые Буряад Уласай Засагай газараар дурадхагдажа, хоёр уншалгада хараалагдаа. Һунгамалнууд тэрэ дурадхал дэмжэhэн байна.
Арадай Хуралай хүдөө ажахын талаар хорооной түрүүлэгшэ Дмитрий Швецовай хэлэhээр, энэ хуулиин түсэб гаражнуудай асуудалаар сүлөөлэлгэдэ хабаатай журамшуулhан эрхэ хуулиин тогтоолнуудай холбоо үргэлжэлүүлнэ. Ажал хэрэг сентябриин 1-hээ эхилээ: 2006 оной ноябриин 30 болотор баригдаhан гаражнуудай эзэд энэ зөөриеэ өөрынгөө нэрэдэ оруулха аргатай болобо. Гараж ба тэрээн дорохи газараа хүнгэнөөр өөрынгөө нэрэдэ оруулхын түлөө хэдэн эрилтэнүүд бии, тиимэhээ энэ журамшуулhан эрхэ хуулиин тогтоолнууд Нютагай өөрын захиргаануудай ажал ябуулгын гурим тодоруулна гээшэ,- гэжэ Дмитрий Швецов ойлгуулжа үгэбэ.
«Гаражнуудай асуудалаар сүлөөлэлгэ тухай» гэhэн хуули Оросой холбоото уласай юрэнхылэгшэ Владимир Путин 2021 оной апрелиин 6-да баталаа гэжэ hануулая. Арад зон 2026 оной сентябриин 1 болотор энэ эрхэ эдлэхэ аргатай.
