Мүнөөдэр апрелиин 8-да Буряад Уласай Арадай Хуралда зольбо нохойнууд тухай орёо асуудалнуудые зүбшэн хэлсэбэ. Дээдэ Хуралай байшан соо hунгамалнууд, уласай болон холбоото уласай захиргаанай түлөөлэгшэд, амитадые хамгаалагшад, ннитын ажалда хабаадагшад болон хиналтын зургаанууд сугларба. Ветеринариин хүтэлбэриин дарга Эрдэм Сангадиев элидхэл соогоо орёо асуудалнууд олон, тэдэнэй нэгэн хадаа – эзэгүй нохойнуудые байлгаха газар үгы, Буряад улас Холбоото уласай тэдхэмжэгүйгөөр энэ асуудал шиидхэхэ аргагүй гэжэ хэлэбэ.
2020 оной хугасаа соо улас дотор 3,5 мянган амитад баригдажа, 2498 ниинь сүлөөдэ табигдаа, 695 нохойнууд шэнэ эзэтэй болоо, харин 177 толгой харууhан доро байха болоо.
Нохойнуудые баряад, аргалаад, үрэгүй болгоод, хуушан байдал руу табихада ехэ мүнгэнэй гаргашатай гэжэ хэлэгдэбэ.
- Ямаршье бюджет нэгэ нохойн харууhанда 150 түхэриг гаргажа шадахагүй, орёо байдалда ороhон зондоо оройдоол 70 түхэриг гарганабди, - гэжэ hунгамал Намсарай Намсараев hанамжаяа хубаалдаба. Сергей Дорош хэлэhыень дэмжэбэ. Игорь Бобков зайгуул нохойнуудай хотын үйлсөөр гүйлдэхэгүйн тула нохойн байрануудые барилгада мүнгэ hомолхо хэрэгтэй гэжэ дурадхал оруулаа.
Арадай Хуралай hунгамал Иринчей Матханов ветераниин хүтэлбэриин хэhэн ехэ ажал тэмдэглээд, тусхай гүрэнэй программа бүридхэхэ тухай хэлэбэ.
Энэ ажалай дүнгөөр зууршалалгын түhөө абтаба. Хуралай гэшүүд энэ асуудал шиидхэлгэдэ 2021 оной октябриин зүблөөндэ бусаха.
