Буряад Улас Стратегическэ удха шанартай үүсхэлнүүдэй агенствэтэй, Ростуризмтай хамта экологическа зүргэнүүдые хүгжөөлгын үзэл ойлгомжо урагшань ябуулха. Энэ асуудал журамшуулhан гуримтай болохо ёhотой, - гэжэ Алексей Цыденов Стратегическэ удха шанартай үүсхэлнүүдэй агенствын «Сильные идеи для нового времени» гэhэн форум дээрэ дуулгаба.
«Аяншалга: сэдьхэлэй мэдэрэлэй шэнэ экономико» гэжэ дискуссиин хэмжээн соогуур Росси дотор экологическа аяншалгын хүгжэлтэ тухай болон аяншалгын кластер байгуулгын бүхэроссин мүрысөөнэй дүнгүүд зүбшэн хэлсэгдээ. Энэ мүрысөөнэй финалда «Тункинская долина» гэжэ үндэhэтэнэй паркын түсэл гараhан байна. Экологическа аяншалга – байhан газарай зоной орохо олзын ехэ үрэ дүнтэй арга боломжо болон бага ба дунда олзын хэрэг эрхилэгшэдэй олзын hайн хүнды болоно гэжэ Стратегическэ удха шанартай үүсхэлнүүдэй агенствын захиралай орлогшо Ольга Захарова тэмдэглээ.
Буряадай Толгойлогшо соёлжоhон аяншалга тухай бодолнуудаараа хубаалдаба.Ород Улас дотор экологическа зүргэнүүдые хүгжөөлгэ журамшуулhан гуримтай болгохо хэрэгтэй гэжэ тэмдэглээ.
Буряад Уласай зорилго – соёлжоhон ба харюусалгатай аяншалга хүгжөөлгэ.
