Арба мянга гаран альма, хуhан, уляаhан, шэнэhэн, хасуури, мойhон гэхэ мэтэ модоной сагдуулнууд ниислэл хотодомнай таригдаба. Энэ хэрэг Бүхы Россин Модо тарилгын үдэртэ дашарамдуулан, майн 18-да арбадахияа Буряадтамнай үнгэрөө. Мүнөө урда жэлнүүдтэ ороходоо олон модон бүри ехэ талмай дээрэ олон зоной hайн дураар хабаадалгатайгаар үнгэрбэ, таригдаба. Уласай лесхознуудhаа сагдуулхануудые Соведүүдэй талмай дээрэ ашаанай түмэр унаагаар асараа.
Уласай Толгойлогшо бүхы хабаадаhан зондо баярые хүргэжэ, модо тарилган Орешковэй нэрэмжэтэ хотын сэсэрлиг соо ба Заудинскын лесничествэдэ үнгэрхэ гэжэ дуулгаа.
Ой модоёо, тайгааяа гал түймэрэй аюулhаа, унагааха, сабшахаhаа аршалха манай гол хэрэг. Жэл бүхэндэ сагдуулнуудые тариха тоо олон болгохо ба ехэ талмай дээрэ тариха хэрэгтэй гэбэ.
Хотын засагай даргын уялга дүүргэгшэ Игорь Шутенковай «Ногоон хото» гэжэ нэрэтэй үйлэ хэрэгыень дэмжэнэбди гэжэ тэмдэглээ. «Ехэ хэрэг - зоной хэрэг, тиимэhээ арад зон энээндэ hайн дураараа хабаадана ха юм», - гэжэ Алексей Цыденов хэлэбэ.
