Мартын 1-дэ болоһон ээлжээтэ хуралдаан дээрээ Арадай Хуралай депутадууд «Захиралта хазагайруулһан тухай» хуулида хорюултай газараар мал адуулһанай түлөө ялын хэмжээ дээшэлүүлхэ тухай хубилалта баталба. Энэ дурадхал зууршалагша Арадай Хуралай Газарай асуудалнуудай, хүдөө ажахын болон хэрэгсээнэй дэлгүүрэй талаар хорооной түрүүлэгшын орлогшо Баир Гармаевай тэмдэглэһээр, парламентын дэргэдэхи Нютагай өөрын хүтэлбэринүүдэй түлөөлгэтэ зургаануудай зүблэлэй шиидхэбэри бэелүүлхэ зорилгоһоо энэ дурадхал эхитэй.
Болохогүй газараар малаа адуулһанай түлөө ялын хэмжээн анхан юрын хүндэ 500 түхэригһөө 1000 түхэриг хүрэтэр бүридүүлдэг байгаа һаа, мүнөө – нэгэ мянгаһаа табан мянган түхэриг хүрэтэр ургаа. Тушаалтадай энэ хазагайруулга мянгаһаа хоëр мянга хүрэтэр байдаг һаа, мүнөө 4-һөө 10 мянган түхэригтэ болгогдобо. Гэхэтэй хамта, юридическэ нюрнуудта ялын хэмжээн хоëр-гурба мянганһаа дүрбэнһөө арбан хүрэтэр мянган түхэриг болотор нэмээгдээ, гээд Восток-Телеинформ мэдээсэнэ.
-Яла тохолгые шангадхаха гурим мал баридаг зоной харюусалга дээшэлүүлхэ гэһэн хүсэлһөө. Ургаса гэшхэжэ, һалгаха ушарнуудые усадхаха гэһэн зорилгын хажуугаар, улад зоной дунда һүжэрдэг хэрүүл хэрэлдээнһээ һэргылэмжын хэрэг энэ болоно, - Гармаев тэмдэглэнэ.
