Улаан-Үдэдэ Үдэ гол дээгүүр гурбадахи хүүргэ бариха тухай асуудал ОХУ-гай вице-премьер Игорь Шуваловта Буряадай Арадай Хуралай депутат Сергей Бужинаев табиһан байна. Мэдээсэлэй «Восток-Телеинформ» агентствын сурбалжалагшада тэрэнэй дуулгаһаар, энэ асуудалаа Дмитрий Медведевтэ хандуулха һанаатай байгаа, теэд уулзалгын үедэ үгэ тэрээндэ үгтөөгүй. Тиин асуудалтаяа Игорь Шуваловай олзын хэрэг эрхилэгшэдтэй болон һунгамалнуудтай газаа уулзажа байха үедэ хандаха баатай болоо һэн.
-Манай һанахада, гурбадахи хүүргэ бариха гээшэ амин шухала асуудал болонхой, - гээд Бужинаев хөөрэнэ. – Асуудалнууд олон, гэбэшье тэдэнэй дунда энэ асуудал тон ехэ, тиигээдшье уулзалгын хөөрэлдөөндэ – дунда ба бага хэмжээнэй бизнес хүгжөөлгэ гээшэдэ таараа. Энэмнай харгы замай орёо байдалда сэхэ хабаатай. Энээндэ анхаралай хандуулагдаагүй һаа, бүхы юумэн тогтошохо, байшаха жэшээтэй.
Шэваловай тэмдэглэһээр, асуудалые ябууд зүбшэлсэхөөр тэрэ бэлэн бэшэ, тиимэһээ Бужинаевые данса саарһануудаа бэлдэжэ, эльгээхыень баадхаба.
