Буряадай хүдөө ажахын яаманай шэнэ даргые Арадай Хуралай һунгамалнуудтай танилсуулба

Буряад Уласай хүдөө ажыхын болон эдеэ хоолой яаманай даргаар һая томилогдоһон Даба-Жалсан Чириповые Арадай Хуралай һунгамалнуудтай танилсуулга хүдөө ажахын талаар хорооной зүблөөн дээрэ мэнэ һая үнгэрөө гээд Уласай парламентын хэблэлэй албан мэдүүлбэ.

Уулзалгын эхиндэ Газарай асуудалнуудай, аграрна политикын болон эд хэрэглэмжын дэлгүүрэй талаар хорооной түрүүлэгшэ Александр Попов манай хороондо хүдөө ажахые номой ёһоор бэшэ, харин бодото ажалаар мэдэхэ зон гол түлэб хүдэлдэг гэжэ Чириповай анхарал татуулба. Жэшээнь, хорооной түрүүэгшын орлогшо Баир Гармаев эд хэрглэмжын, наймаа ябуулгын талаар оньһожорнхой, зүгөөр Алеександр Савельев, Сергей Пашинский хоёр һү буйлуулгын ба хартаабха ургуулдаг өөрын үйлэдбэринөөдтэй гээд мэдээжэ.

- Эгээл эдэ хүнүүдтэй харилсажа, үгэеэ ойлгосолдон хүдэлхэ саг ерээ, - гээд Александр Попов тэмдэглээ.
Яаманай шэнэ дарга һунгамалнуудта тус ажахые хугжөөхэ арга боломжонууд тухай  өөрын һанамжатайгаа зураглан хөөрэжэ үгөө.

- Минии һанамжаар, хүдөөгэй бүхы үйлэдбэрилэгшэдые дэмжэхэ шухала, тэрэ тоодо фермернүүдыешье, үмсынхидышье үргэхэ хэрэгтэй. Нэн түрүүн – мал ажахы, ургамалай һалбари хоёрые хүгжөөе. Эндэ нютаг нугануудай дүй дүршэл хараадаа абаха тон шухала.

Гадна, Даба-Жалсан Чирипов тэжээлэй тусхай түбүүдые байгуулхые дэмжэхэ хүсэлтэйгөө мэдүүлөө. Тиин, хүдөөгэй зоной ажал гээшые һайн мэдэхэ һэн тула Арадай Хуралай депутадуудтай хэлэеэ ойлголсохо бата найдамтайгаа дуулгаа. Шэнэ тушаалдаа тэрэ Хурамхаанай аймагай гулваа байһанаа 2014 ондо татагдаа һэн һануулая.