Буряад Уласай Арадай Хуралай һунгамал, Гүрэнэй байгууламжын хорооной түрүүлэгшэ Петр Мордовской Буряад Уласта нэгэ гуримда орохо тухай хуулиин түрүүшын уншалгада һанамжаяа хэлэбэ. Парламентын гэшүүн энээнииень хубисхалта гэжэ нэрлээ.
"Энэ шиидхэбэри абахадаа, хуули зохёогшод нэн түрүүн ажаһуугшад тухай бодомжолдог байгаа. Заримдаа нютагай хүн тойрогой хэмжээнэй эрхэ мэдэлнүүд тухай асуудалнуудаар һууринай даргада хандажа, мэдээжэ, тодо харюу абажа шадахагүй. Мүнөөдэрэй хуули абтахада, хүн зон нютагай өөһэдын хүтэлбэриин дэбисхэрэй зургаануудта дүтэ болохо", - гэжэ Мордовской тоолоно. «Энэ хуулиин абтаһанай удаа горитойхон харюусалга дээдын тушаалтан болохо муниципальна тойрогой толгойлогшодо унаха. Тэдэнэр бүхы тойрогой түлөө үнэн сэхэ харюусалгатай болохо. Мэдээжэ, өөһэдыгөө хангадаг һууринууд бии, гэбэшье ехэнхидээ һууринууд тэгшэ бэшээр хүгжэнэ. Нэгэ һууринда тодорхой эрхэ мэдэлнүүдые бэелүүлхын тула хангалтатай мүнгэн һантай, харин нүгөөдэдэнь эдэ хуули абтахадаа, бюджедэй баталагдаагүй байха. Мүнгэн тэгшэ хубаагдаха.
Тус хуули 2027 оной январиин 1-һээ хүсэндөө ороно. Гэбэшье, 33-дахи федеральна хуулиин ёһоор, энэ үдэр болотор Буряад Уласта 70 шахуу хуули бэелүүлэгдэхэ ёһотой. Буряад Уласта түлөөлэгдэһэн намууд, тэрэ тоодо Арадай Хуралда мандат хубааха талаар оруулагдаһан намууд тойрогой хүтэлбэрилэгшын тушаалда дэбжүүлэгдэхэ аргатай.
