Буряад Уласай Арадай Хуралай һунгамал Игорь Марковец 2026 оной бюджет болон 2027-2028 онуудай түсэблэлгын хугасаа тухай олониитын шагналгануудта мүнөөдэр нэмэлтэ болбосорол хүгжөөхэ тухай асуудал табиба. Тэрэнэй хэлэһээр, энэ һалбарида мүнгэ һомололго дээшэлүүлхэ, ставкануудые олон болгохо хэрэгтэй гэжэ Восток-Телеинформ дуулгана.
Нэмэлтэ болбосоролые үргэн болгохо хэрэгтэй энэ холбоотой щщсхэл болоно, харин энээнһээ боложо түсэбтэ хүрэхэ багшанарай тоо олошоргүй. Үшөө тиихэдэ, наһа хүсөөгүйшүүлэй гэмтэ хэрэгүүдэй нэмэгдэхэ хандалга бии. Марковец һоригшод болон нэмэлтэ болбосоролой багшанар элдэб ушарнуудһаа һэргылхэ хэрэгтэ шухала үүргэ дүүргэдэг гэжэ онсолно. Магад, бүри һайнаар хүдэлөө һаа, Ивалгын аймагай һургуулида багша һурагшын хоорондохи зүрилдөөн гарахагүй байгаа гэжэ тэрэ тоолоно.
Тэрэ баһа кадетскэ интернат-һургуулинуудта эдеэ хоолой мүнгэн һангай стандарт дээшэлүүлхэ тухай дурадхал оруулһан байна. Мүнөө сагта 11 наһа хүрөөдүй курсантнуудта 5 дахин эдеэлхэдэ үдэрэй 248 түхэриг, 12-һоо дээшэ курсантнуудта 285 түхэриг һомологдоно.Марковецэй мэдээсэһээр, мүнөө сагай сэнгүүдые хаража үзэхэдэ, энэнь тон бага.
Тиимэһээ инфляци болон санитарна регламент хараадаа абан, 11 наһа хүрөөдүй курсантнуудай эдеэлгэдэ 477 түхэриг, аха наһанай курсантнуудта 515 түхэриг хүрэтэр стандарт дээшэлүүлхэ тухай дурадхагдана. Тиихэдэ бюджедтэ нэмэлтэ 9,5 сая түхэриг һомологдохо хэрэгтэй.
