Ородой Холбоото Уласай Юрэнхылэгшэ Владимир Путин Буряад Уласай толгойлогшо Алексей Цыденовтэй уулзахадаа, Эсэгэ ороноо хамгаалгын түрүү шэглэлэй хүгжэлтын дэбисхэрэй хэмжээндэ тусхай сэрэгэй операциин хэрэгсэлнүүдтэ дайшалхы техникэ үйлэдбэрилдэг уласай үйлэдбэринүүдые тэмдэглэбэ. Буряад Улас дайшалхы тусхай техникээр, түхеэрэлгэнүүдээр фронт хангаха талаар саг үргэлжын ажал ябуулна.
- Манай патриотическа түрүүлэн хүгжөөлгын дэбисхэр бии, энэмнай юрэнхылэгшын Алас Дурна зүгэй тэдхэмжэ болоно, Юрий Трутнев юун гэжэ хэлэнэб, бидэ шэнэ үйлэдбэри нээгээбди: роботокомплекснүүд, дронууд, FPV, - гэжэ уласай хүтэлбэрилэгшэ хэлэбэ.
Юрэнхылэгшын тэмдэглэһээр, “эдэ хүнүүд бэлигтэй, бидэ тэдэндэ ажаллаха арга боломжо үгэхэ хэрэгтэйбди.”
Буряад Улас фронтые «Медоед» гэһэн вездеходуудаар, «Курьер» болон «Бүргэд» гэһэн роботуудаар, «Багатур» гэһэн хамгаалгын түхеэрэлгэнүүдээр, дронуудаар, ниидэхэ онгосонуудаар, электрон дайшалхы системэнүүдээр хангажа байна. Эгээл богонихон болзор соо регион армида туһалха зорилготой үйлэдбэриин шэнэ һалбари хүдэлгэжэ шадаа гээд уласай засагай газар мэдээсэнэ.
Сэрэгэй тусхай операциин эхилһэн сагһаа хойшо Буряад орон СВО дэмжэлгэдэ 5,5 миллиард тухай түхэриг һомолһон байна. Буряад оронһоо 645 техникэ, 578 квадрокоптер, 3644 тепловизор, радиоприемник, 140 мянга гаран единица эмнэлгын зүйлнүүд болон эмүүд абтажа эльгээгдээ. Ажаһуугшад һайн дураараа ажалладаг түбүүд болон һайн дураараа ажалладаг эмхинүүдээр дамжан, ехэ туһаламжа эльгээгдэнэ.
