Буряад Уласай Арадай Хуралай можо хоорондын харилсаанай, гүрэнэй асуудалнуудай, залуушуулай бодолгын, олониитын болон шажан мүргэлэй нэгэдэлнүүдэй талаар хороон сессиин асуудалнуудые хаража үзэбэ. Тиигэжэ Буряад Уласайбүрин эрхэтэй түлөөлэгшэд хэһэн ажал тухайгаа эндэ тоособо.
Буряад Уласта олзын хэрэг эрхилэгшэдэй эрхэ хамгаалгын талаар түлөөлэгшэ Чингис Матхеев Буряад Уласта 33 мянган бага болон дунда олзын хэрэг эрхилэгшэд, өөһэдөө ажал эрхилдэг 50 мянган хүн ажаллана гэжэ хэлэбэ. Жэл бүри хуулиин талаар дэмжэлгэ абаха тухай мэдүүлгэнүүдэй тоо олошорно. Эрхэ түлөөлэлгын газарай хабаадаһан 78 сүүдэй суглаанһаа олзын хэрэг эрхилэгшэдэй талада 27 сүүдэй шиидхэбэри абтажа, 39 саяһаа дээшэ түхэригэй суглуулбаринууд зүбшөөгдөөгүй.
Юлия Жамбалова Хүнэй эрхын талаар түлөөлэгшын албанай ажалай түрүү шэглэлнүүд тухай хөөрэбэ. 2024 ондо ажаһуугшадһаа 4747 мэдүүлгэ ороһон байна, энэнь урдахи хугасаатай орходоо дүрбэнэй нэгэ хубяар ехэ. Диилэнхи олонхинь тусхай сэрэгэй үйлэ ажалалгаануудта хабаатай байгаа – элдэб дэмжэлгын хэмжээнүүдые абахын тулада хэрэгтэй баримта бэшэгүүдые суглуулха бэрхэшээлнүүд, үгы болоһон сэрэгшэдые бэдэрхэ тухай гуйлтанууд ороо.
Буряад Уласта хүүгэдэй эрхын талаар түлөөлэгшэ Наталья Ганькина социальна талаар аюултай гэр бүлэнүүдэй үхибүүдэй аюулгүй байдал хангаха тухай мэдээнүүдые дурадхаа. Жэшээнь, Буряад орондо түймэрэй һэргылэмжын хэмжээн бага: Түнхэнэй аймагта 635 гэр бүлэһөө 5-ниинь, Хурумхаанай аймагта 370-һаа 10 гэр бүлэ тодхоһон байна.
