1941-1945 онуудай Эсэгэ ороноо хамгаалгын Агууехэ дайнда Илалтын 80 жэлэй ойн баярые тэмдэглэхэ талаар бэлдэлгын асуудалнууд Алас Дурна зүгэй федеральна тойрогой зүблэлэй зүблөөн дээрэ зүбшэн хэлсэгдэһэн, тэрэнэй хабаадалгатай хүтэлбэрилэгшын орлогшо Ородой Холбоото Уласай засагай газарай - Ородой Холбоото Уласай Юрэнхылэгшын Алас Дурнын федеральна тойрогто Бүрин эрхэтэ түлөөлэгшэ Юрий Трутнев гээд Буряад Уласай Засагай газарай хэблэлэй албан мэдээсэнэ.
Буряад Уласта һайндэрэй үдэрэй хэмжээндэ 132 хэмжээ ябуулганууд түсэблэгдэнхэй, хүшөөнүүд мүн лэ заһабарилагдаха, ветерануудта патронажна дэмжэлгэ бүхэли жэлэй туршада үргэлжэлхэ. Байгша оной майн 9-дэ Илалтын жагсаалда үшөө олон сэрэгэй частьнууд хабаадаха, тэрэ тоодо Монголой зэбсэгтэ хүсэнүүдэй парадна часть хабаадаха.
Энээнһээ урид Алексей Цыденов ветерануудтай хүдэлхэдөө, хойшолуулха, хэмжээ ябуулгануудые хожомой болзорто хойшолуулха гээшэ зүбшөөгдэхэгүй гэжэ онсолһон байна. Бүхы дээрээ мүнөө Буряад орондо Эсэгэ ороноо хамгаалгын Агууехэ дайнда 20 хабаадагшад, бүһэлэлтэдэ ороһон Ленинградай 5 ажаһуугшад, “фашизмын наһа хүсөөгүй узник” гэһэн статустай 12 хүн, ажалай фронтын 1485 хабаадагшад ажаһууна.
- Илалтын 80 жэлэй ойн баярта медальнуудые барюулжа эхилээбди, бүхы медальнуудые барюулха һүүлшын болзор апрелиин 1 болотор, энэ ажалаа түргэдүүлжэ, герой бүхэндэмнай түргэн хүрэжэ, шагналнуудые барюулхыетнай гуйнаб. Юрэнхыдөө, дайнда хабаадагшадтай хүдэлмэри тухай хэлэбэл, манай республикада оройдоол 20-иинь үлэнхэй, тэдэнэй дэмжэлгые онсо хиналтада абахыетнай гуйнаб. Харамтайнь гэхэдэ, һайндэрнүүдтэ тэдэниие хаанашье урижа шадахагүйбди, тэдэ 99, 100 наһатай, амаршалгын үгэнүүдээр бултандань ошохо хэрэгтэй, - гэжэ Буряадай Толгойлогшо тэмдэглэбэ.
