Юлия Жамбаловагай кандидатура Буряадта Хүнэй эрхын талаар бүрин эрхэтэ түлөөлэгшын тушаалда шэнэ болзорто баталагдаа. Тэрэ анхан 2014 ондо энэ тушаалда томилогдоод, табан жэлэй үнгэрһэн хойно хоёрдохи болзорто дахин томилогдоо. Буряад Уласта Хүнэй эрхын талаар түлөөлэлгэ 2014 онһоо 2023 он болотор ажаһуугшадай 14 мянга гаран хандалга болон гомдол хаража үзэһэн байна. Ганса 2024 оной эхинһээ тэдэнэй тоо 4,5 мянганһаа дээшэ болоод байна.
Тиихэдэ Юлия Жамбалова уласай бүхы шүүбэриин эмхинүүдтэ албадан хаагдаһан газарнуудые комплексно шалгалтануудые үнгэргэнэ. Ажаһуугшадые эрхэ зүй ойлгуулха, хүнэй эрхын талаар түлөөлэгшын үүсхэлээр түлбэригүйгөөр эрхэ зүйн туһаламжа үзүүлгэ эмхидхэгдээ.
- Шэнэ болзорто минии табиһан түрүү шэглэлэй даабаринууд тухай хэлэбэл, нэн түрүүн – эрхэтэдэй түлөө эрхэ түлөөлэлгын эмхиин хүртээмжэ үргэдхэлгэ, муниципальна байгуулалтануудта олониитын хүлеэн абалга эмхидхэлгэ, ниитын туһалагшадай холбоо үргэдхэлгэ. СВО-до хабаадагшадай болон тэдэнэй гэр бүлын гэшүүдэй эрхэ хамгаалалга гол шэглэлнүүдэй нэгэн болоно. Мүн лэ түрүү һуурида ажаһуугшадай эрхэ социальна хамгаалгын, мүн элүүрые хамгаалгын һалбариин асуудалнууд табигдаха. Үшөө нэгэ даабари хадаа захиргаанай искээр ажаһуугшадай эрхэ хамгаалха талаар ажал эршэдүүлхэ болоно. Нёдондо жэлһээ иимэ арга боломжотой болообди», - гэжэ Юлия Жамбалова тэмдэглээ.
