Улаан-Үдэдэ Байгал-Амарай зам барижа эхилһэнэй 50 жэлэй ойдо зорюулагдаһан суглаан үнгэрөө. Буряад Уласай толгойлогшо Алексей Цыденов болон Буряад Уласай Арадай Хуралай түрүүлэгшэ Владимир Павлов БАМ-ай ветерануудые амаршалаа.
Буряад Уласай Арадай Хуралай түрүүлэгшэ Владимир Павлов иигэжэ тэмдэглээ, хэдэн мянган хүндэ энэ барилга бүхы наһанайнь ажал болоо, эрэлхэг зорилгын болон эсэгэ ороншо байха һургуули болоо.
“БАМ барилгада Зүблэлтэ Холбооной бүхы нютаг можо болон хизаарһаа хүнүүд ерээ, тэрэнэй дунда залуу зон олон байгаа. Барилгашадай, түмэр замшадай, хүдэлмэришэдэй, элдэб мэргэжэлэй хүнүүдэй ашаар хэдэн мянган километр зам табигдаа, хэдэн зуун техническэ барилганууд хэгдээ, шэнэ хото болон һууринууд баригдаа”, - гэжэ Владимир Павлов хэлээ.
Баяр ёһололдо “Слышишь, время гудит – БАМ!” гэһэн зүжэгтэ наадан табигдаа, Сергей Плотников дуу гүйсэдхөө, “Wangbi” зүжэгшэдэй студиин ба Буряад ороной гүрэнэй циркын зүжэгшэд абьяас бэлигээ харуулаа. Энэ суглаанда ветерануудта “Байгал-Амарай замай 50 жэл” гэһэн ойн баярай медальнууд барюулагдаа.
