Буряад Уласай Арадай Хуралай Түрүүлэгшэ Владимр Павловта “Тыва Уласта парламентын 100 жэлдэ” гэһэн Тыва уласай Юрэнхы Хуралай дурасхаалай одон барюулагдаа.
“Парламентын ажалай хүгжэлтэдэ, Буряад Уласай болон Тувагай парламентнүүдэй хоорондохи харилсаа холбоондо ехэ хубитаяа оруулһанай түлөө Тывагай 100 жэлэй парламентын байгуулагдаһаар Юрэнхы Хуралай ойн баярай одонгоор шагнанабди. Уласай 100 жэлэй ойн баяраар таниие амаршалнаб. Буряад Улас хизааргүй ехэ байгаалиин баялигтай, эдэй засаг ехэтэй, уласай тон шухалань гэхэдэ – бэлигтэй, хүндэмүүшэ, ажалша арад зон болоно, - гэжэ Тыва Уласай Юрэнхы Хуралай дарга Кан-оол Даваа тэмдэглээ.
Тывагай парламентын хүтэлбэрилэгшэ хоёр нютаг можонуудай найрсаг холбоо харилсаан тухай хөөрэжэ үгөө. Харин Владимир Павлов хамта ажаллагшада баяр хүргөөд, амжалта хүсөө гэжэ Буряад Уласай Арадай Хуралай хэблэл мэдээслэй албан дуулгана.
Восток-Телеинформынурид мэдээсэһэнэй ёһоор, “Тыва Уласай парламентын 100 жэлэй ой” гэһэн Тыва Уласай Юрэнхы Хуралай дурасхаалай одон болбол Тывагай Арадай Уласай байгуулагдаһаар 100 жэлдэ болон Тыва Уласай парламентын байгуулагдаһан 100 жэлэй ойдо зорюулжа, Холбоото Ород Уласай эрхэтэдые, гадаада эрхэтэдые болон эрхэтэнэй зэргэгүй хүнүүдые урмашуулха түхэлболодог юм.
