Буряад Уласай Арадай Хуралай һунгамалнуудай һунгалта 2023 оной сентябриин 10-да – һанал хуряалгын нэгэдэмэл үдэртэ үнгэрхэ. Парламентын шэнэ зарлалай һунгалтын үнгэргэгдэхэ һара үдэр мүнөөдэр, июниин 8-да ээлжээтэ бэшэ сессидэ баталагдаа гэжэ Восток-Телеинформ
дуулгана.
- Мүнөөдэр Арадай Хурал һунгалтын ажалда эхи үгэбэ. Арадай Хуралай долоодохи зарлалай һунгамалнуудай һунгалтые бидэ зарлаабди, тэрэ ажал сентябриин 10-да үнгэрхэ. Арадай Хуралай болохоёо байһан һунгалтын дүнгөөр бодото дээрээ арад зоной болохо гэжэ найданам, - гэжэ Гүрэнэй байгуулалтын, нютагай өөһэдын хүтэлбэриин, хуули ёһоной болон гүрэнэй албанай асуудалай талаар Хуралай хорооной түрүүлэгшэ Виктор Малышенко хэлээ.
Парламентын дарга Владимир Павловай тэмдэглэһэнэй ёһоор, Холбоото Ород Уласай нютаг можонуудай гүрэнэй засагай зургаануудта федеральна хуулиин дагуу сентябриин хоёрдохи воскресенидэ үнгэргэгдэдэг, энэ жэл энэ үдэр сентябриин 10-да тудана. Хуралай һунгамалнуудай һунгалтын үдэр баталха талаар шиидэбэри һанал хуряалгын үдэр болотор зуун үдэрэй урда тээ болон 90 үдэрһөө хойшо бэшэ абтадаг.
Арадай Хуралай зургаадахи зарлалай энэ хүдэлжэ байһан бүридэл 2018 оной сентябриин 9-дэ һунгагдаа һэн, тэрэнэй эрхэ түлөөлэлгын болзор Конституциин дагуу 5 жэлэй хугсаатай юм.
