Буряад Уласта үшөө нэгэ бүлэг зонуудые хуули ёһоной түлбэригүй туһада хандаха эрхэтэй хүнүүдэй тоодо оруулха болоо. Эдэ хэд бэ гэхэдэ, интернет-хулгайшадһаа хохидогшод тухай хэлэгдэнэ – Буряад Уласта гурбан һара соо тиимэ гэмтэ хэрэг ябадалнууд мянга гаран бүридхэлдэ абатаһан байха юм.
Хуули бэлдэгшэдэй тэмдэглэһэнэй ёһоор, 2022 оной туршада болон байгша оной эхинһээ энэ талаар гэмтэ хэрэгүүд олошоржо байна. Энэ жэлһээ 20,8 % ехэ болоо. Тиигэжэ дүрбэнэй нэгэниинь лэ элирүүлэгдэнэ.
Интернет-хулгайшаниие балшыса барихань орёо – юуб гэбэл, эдэ хүнүүд гадаада гүрэнүүдэй иргэд болоно бшуу, ехэнхидээ манай гүрэндэ найрсаг бэшэ гүрэнүүдэй эрхэтэд болоно. Ород Уласта безналична мүнгэнэй тоосоолго нюуса нэрээр гэмтэ хэрэгтэнһээ хохидогшоһоо мүнгэ шууд шэлжүүлхэнь хорюултай. Тиимэ ушарһаа хулгайшад “дроппернуудые” – өөрынгөө данса хулгайшадта үгэдэг эрхэтэд” гэжэ нэрэтэй хүнүүдые хабаадуулдаг байна, хулгайн мүнгэ ороно гэжэ тэдэ мэдэхэгүй байна бшуу.
Хулгайда алдагдаһан мүнгэн ехэнхи ушарта хүнэй бүхы суглуулһан мүнгэниинь байдаг, тиимэһээ гарза хүсэлүүлгэдэ хохидогшын эрхэнь нэмэлтэ лаб найдуулгада хэрэгтэй болодог. Тиимэһээ хуулиин түсэлөөр болбол уласай хуулида статья4 нэмэхэ дурадхал оруулагдана.
