Буряад Уласта сар тахалай һүүлээр аяншалагшадай тоо һүүргөө бодоо, тиигэжэ аяншалгын эрилтэ ехэтэй байна, - гэжэ толгойлогшо Алексей Цыденов эдэй засагай сайд Максим Решетниковэй нютаг можодо айлашалхадань хэлэһэн байна.
- Энээхэн эрилтэ хангажа шадахань бидэндэ ехэ шухала, - гэжэ тэрэ хэлээ. – Гүрэнэй болон бизнесэй хамтаран ажаллаһанай ашаар бидэ мүнөө шэнэ бүтээн байгуулалта хараха аргатай байнабди. “Аяншалга болон угтан абалтын индустри” гэһэн гүрэнэй үндэһэн түсэлөөр19 түсэлнүүд дэмжэлтэ абаа. Ород гүрэнэй Минэкономразвитияда иимэ хүтэлбэринүүдые бэлдэжэ үгэһэнэй түлөө баяр хүргэхэ дуран хүрэнэ – манай уласай туршалганууд юу харуулнаб гэхэдэ, эдэнэр булта мүнөөнэй эрхэ нүхэсэлдэ хүсэндөө байна.
Аяншалгын сайд Алдар Доржиевһаа һабагшалан Восток-Телеинформурид мэдээсэһээр, энэ жэлдэ үбэлэй чартерна хүтэлбэри ажаллажа эхилээ. Хүлеэгдэһэнэй ёһоор, долоон рейснүүд хэгдэхэ, Буряад Уласта үбэлэй чартернуудай хүтэлбэриин хэмжээн соо болоно. Энэ үбэлэй түрүүшын борт февралиин 11-дэ буугаа һэн, һүүлшынхиниинь мартын 26-да түсэблэгдэнэ гэжэ аяншалгын сайд Алдар Доржиевһаа һабагшалан Восток-Телеинформмэдээсэнэ. Түрүүшын рейсээр 158 аяншад ерээ, энэнь зуун процент ашаалалтай борт болоно. “Албан ёһоной түлөөлэгшын хэлэһээр, хоёрдохи борт баһал дүүрэн болонхой байна. Гурбадахи, дүрбэдэхи болон саашанхи рейснүүдээр мүнөө асуудалтай байна, харин бидэндэ үшөө саг хугасаа байна, мэдээсэл тараахабди, минии һанахада, тэрэ рейснүүдые баһал ашаалалтай болгохо байхабди”, - гэжэ Доржиев тэмдэглээ.
