Февралиин 27-до Доржо Банзаровай нэрэмжэтэ Буряадай гүрэнэй ехэ һургуулиин бальна танхим соо багшын болон һургагшын жэлэй баяр ёһолой нээлтэ үнгэрөө. Баяр ёһололые Буряад Уласай толгойлогшо Алексей Цыденов нээгээ гэжэ уласай засагай газарһаа һабагшалан Восток-Телеинформмэдээсэнэ.
Буряад Уласай Толйгологшын тэмдэглэһэнэй ёһоор, багша болбол эгээл шухала мэргэжэл болоно. “Нэн түрүүн хэн бидэниие бүридүүлнэб гэбэл – манай багшанар. Багшын болон һургагшын мэргэжэл болбол эгээл шухала гэжэ үнэн зүрхэнһөө тоолодогби. Танай ажал хэһэнэй түлөө баяр хүргэе, манай хүүгэдые һургажа, манай хүүгэдые бүрин бүтэн болгожо байһандатнай баяр хүргэе, танда ехэ харюусалга даалгагдажа байна”, - гэжэ Цыденов тэмдэглээ.
2023 ондо Владимир Путинай Зарлигаар багшын болон һургагшын жэл гээд зарлагдаһан байгаа гэжэ һануулая. Жэлэй мисси болбол багшын ажалшадай, тэрэ тоодо һургажа байһан хүнүүдэй нэрэ хүндые үргэлгэ мүн. Багшын болон һургагшын жэлэй хэмжээ ябуулганууд багша мэргэжэлтэнэй нэрэ хүндые дээрэ үргэлгэдэ шэглүүлэгдэнэ. Энэ жэл хуралдаанууд болон бага хуралнууд, урилдаанууд болон телешоунууд үнгэргэгдэхэ. Энэ хэмжээ ябуулгын үедэ Буряад Уласай засагай газарай хүндэлэлэй грамотанууд барюулагдаа болон “Буряад Уласай габьяата багша” гэһэн нэрэ зэргэнүүд олгогдоо.
