Буряад Уласай Засагай газарай зампред Петр Мордовской сэрэгэй тусхай ябуулгада оролсогшодые болон тэдэнэй гэр бүлэнүүдые дэмжэлтэ тухай хөөрэжэ үгөө. Энэ асуудалаар Арадай Хуралай гэшүүд ноябриин 17-до “засагай газарай сагай” хэмжээн соо ээлжээтэ сессидэ шагнаһан байха юм.
- Сэрэгтэ абтаһан, һайн дуранай сэрэгшэдтэ болон контрактнигуудта бүхы хэрэгтэй юумээр хангаха талаар хэмжээ ябуулганууд саг үргэлжэ ябуулагдажа байнхай. Уласай бюджедһөө экипировка, тоног түхеэрэмжэ, эм дом болон ондоо зөөри худалдан абаха хэрэгтэ уласай бюджедһөө мүнгэн һомологдоно гэжэ Петр Мордовской хэлэжэ үгөө.
Тиин, дээрэ хэлэгдэһэн хэмжээ ябуулгануудта хараалагдаһан мүнгэнэй хэмжээн юрэнхы дээрээ 1 млрд. 491,3 саяда хүрөө. Энэ мүнгэндэ сэрэгтэ татагдагшадта 150 мянган түхэригэй нэгэ дахин түлэгдэхэ тэдхэмжэ, ДНР, ЛНР болон Украинын газар дэбисхэртэ сэрэгэй тусхай ябуулгада хабаадаһан һайн дуранай сэрэгшэдтэ, контрактнигуудта гү, али тэдэнэй гэр бүлынхидтэ 200 мян түхэриг нэгэ түлэгдэхэ тэдэмжэ ороно. Тиихэдэ 80 сая түхэриг сэрэгтэ татагдагша гэр бүлэнүүдтэ түлеэ залһааар хангалгада гаргашалагдаа. Мүнөө дээрээ 3230-най 1629 гэр бүлэнүүдтэ түлеэн абтаа, 59 гэр бүлэнүүдэй 44-дэнь шулуун нүүрһэн абтаа. Гэхэтэй хамта, һургуулинуудта сэрэгтэ татагдагшадай 1373 хүүгэдтэ үнэгүй халуун эдеэгээр хангагдана.
