“Соёл” гэһэн гүрэнэй үндэһэн түсэлэй хүреэндэ Ивалгын аймагай Хойто-Бэе һууринда соёлой-сүлөө сагай шэнэлэгдэһэн түб нээгдээ, тэндэнь модельно номой сан болон соёлой байшан бии.
Хото шадархи олон тоото ажаһуугшадтай Хойто-Бэе соёлой-спортын түб заһабарилга үнинэй хүлеэгээ, юундэб гэхэдэ эндэ ниитын бүхы шахуу ажамидарал: соёлой-олон хүнэй хэмжээ ябуулганууд үнгэрдэг бшуу даа.
- Манай уласта 12 модельно номой сангууд би болоо, эдэнэр Ород уласта эрхим номой сангууд гээшэ. Номой сан бүхэн өөрын гэһэн нюур шарайтай, харин танай гол бодомжонь “Номой сан – эршэ хүсэнэй сэг” гэһэн дээрэ үндэһэлнэ. Юундэб гэхэдэ, эндэ олон хүнэй оролдолгоор эхилһэн байна, энэ болбол оюун ухаанай хүрэнгэ болоно, - гэжэ Буряад Уласай соёлой сайд Соёлма Дагаева тэмдэглээ.
Шэнэ оршон байгуулгада, номой сан шэнэлэлгэдэ болон тоног түхеэрэмжэдэ хүдөөгэй номой сан федеральна бюджедһээ 5 сая түхэриг абаа.
- “Соёл” гэһэн гүрэнэй үндэһэн түсэлдэ тон түрүүн оруулагдаһан энэ түсэл болоно, тиин энэ тон зүб болоо гэжэ би һананаб. Юундэб гэхэдэ, энэ байһан байра болбол хүн зоной хүсөөр, арадай аргаар баригдаһан юм. Хэрбээ иимэ түсэлнүүдтэ эндэхи зон зөөри хүрэнгэ оруулха болоо гээшэ һаань, би аймагай засаг дарга һэн тула дэмжэхэ болоноб, - гэжэ Ивалгын аймагай засаг дарга Николай Емонаков нэмэжэ хэлээ.
