Июлиин 14-дэ Буряад Уласай Арадай Хуралай гэшүүд Алдар Цыденжаповай нэрэмжэтэ 57 дугаар һургуули хүрэжэ ошоһон байна. Наһан болоһон Баатарай нэрэ хүндэдхэхэ ёһолол гэшүүд үнгэргөө. Энэ арга хэмжээндэ Примориин хизаарай хуули гаргалгын түрүүлэгшэ Александр Ролик, Арадай Хуралай түрүүлэгшэ Владимир Павлов, эдир һурагшад болон энээндэ оролсохо дуратай хүнүүд байгаа гэжэ Восток-Телеинформбэшэнэ.
Баатар хүбүүнэй дурасхаалда минутын дуугүй байлгаар хүндэдхөө, харин һургуулида бэлэгүүд барюулагдаа. Һургуулиин һурагшад Баатар тухай мүнхэ дурасхаалые һайн һанажа байна. “Минии хубида болбол Алдар болбол баатаршалгын, эрэлхэг зоригой харуулалта болоно. Манай эндэ нэгэтэ бэшэ митингнүүд, тоглолтонууд үнгэргэгдэнэ, бидэ тэрэнэй аба эжытэй, аха дүүнэр болон эгэшэнэртэй холбоотой байнабди, тиихэдэ манай эндэ баатар хүбүүндэ зорюулагдаһан кадедэй классууд бии, - гэжэ һургуулин нэгэ һургаша хэлэнэ.
Арадай Хуралай спикер Владимир Павлов өөрынгөө хэлэлгэ соо залуушуулнай эсэгэ ороншо үндэр үзэл бодолтой юм гэжэ хэлээ.
- Мүнөөдэр Алас Дурна болон Үбэр Байгал эблэлэй парламентын манай ажалай гурбадахи үдэр боложо байна. 57 дугаар һургуулида бидэ эсэгэ ороншо үзэл бодолтойгоор хүрэжэ ерэһэн байнабди. ХОУ-гай баатарАлдар Цыденжаповай нэрые үшөө дахин хүндэлжэ байһанаа мэдүүлнэбди. Манай залуушуул үнэн дээрээ эсэгэ ороншо үзэл бодолтой юм. 2010 ондо штатна бэшэ байдалай болоходо, тэрэ дары түргэн шиидхэбэри абажа, бодолготой болонгүй машинын отделени руу гүйжэ ороо, тэндэ түймэр боложо байгаа, түлишыень хаажа, ехэ тэһэрэлгэ зогсоожо, бүхы экипаж абарһан байха юм. Эмшэд 4 үдэр тэрэнэй ами абарха гэжэ оролдобошье абаржа шадаагүй бшуу, гэхэдээ тэрэнэй нэрэ Буряад Уласай болон Холбоото Ород Уласай ажаһуугшадай зүрхэ сэдьхэлдэ хэтэ мүнхэ үлөө, - гэжэ Павлов хэлээ.
