Олзын хэрэг эрхилэгшэдэй болон юрын ажаһуугдашадай газар хүлһэлжэ абаха хэрэгтэнь хүнгэлэлтэ оруулагдаха гэжэ Алексей Цыденов тусхай суглаан дээрэ хэлэһэн байна. Мүнөөдэрэй байдалаар Буряадтамнай 152 ЛПХ, 358 зуһаланай газарнууд тоологдоно.
-Наймаанай ямаршье хэрэг хэжэ байнгүй ургамал ургуулха ажалшадта газар үгэхэ байнабди. Бага олзын хэрэг эрхилдэг зондо ямаршье һаад үзүүлхэ ёһогүй гэһэн захиралда гар табибаб. Томо түсэлнүүдые эрхилхэ ажалыень хүнгэдхэжэ байнабди. Гансал тэрэ олзын хэрэг эрхилэгшэд хэлсээнэйнгээ ёһо алдангүй ябаха бэлэй, - гэжэ Буряад Уласай Толгойлогшо Алексей Цыденов хэлэбэ.
Буряадай ажаһуугшад ямаршье зугаагүйгөөр хүнгэлэлтэтэй газар өөрынгөө эрхэ мэдэлдэ абаха аргатай. Тэрээн дээрээ зунай сагта ургамалнуудые тарижа баян ургаса хуряан абаха болоно. Гүрэнэй туһаламжада хүртэхэ һанаатай хүдөө ажалшадай бариһан тусхай мэдүүлгэнүүд хоёр долоон хоногой туршада хараалагдаха болобо.
Хүдөө ажаһууһан арад зондо тон хэрэгтэй захирамжа баталагда гэжэ хэлэлтэй. Хэзээдэшье ажал хэһэн хүн хүндэтэй ябаха. Улаан гараараа газар удхалжа хара хүрьһэ урбуулйһан зоной аша үри харагдахал даа. Зунай үедэ улаан нюураараа эхэ газартаяа таалалдажа, хондолойгоороо улан анараяа угтаһан сагтатанай харюу байхал даа.
