Ээлжээтэ сессиин үедэ ЭкоАльянс эмхидэ туһаламжа үзүүлхэ тухай хуулида заһабари, нэмэлтэ оруулагдаба. Энэнь юум гэхэдэ Буряад Уласай һанһаа тус эмхидэ 99,7 сая түхэриг туһаламжа үгэхэ тухай.
Энэ хадаа түрүүшын иимэ туһаламжа бэшэ гэжэ хэлэхэ хэрэгтэй. Мүнгэн ямар шэглэлээр гаргашалагдахаб, - гэжэ һунгамал Түмэн Дондоков һонирхобо.
Тиихэдэнь: - нэгэтэ бэшэ хорооной суглаанда энэ асуудал бодхоогдоһон. Үгтэһэн мүнгэн үри шэрэеэ түлэхэ хэрэгтэнь гаргашалагдаха. Энэ жэлдэ полигонууд сэнгээ дээшэлүүлээ, - гэжэ һунгамал Алексей Багадаев һануулба.
Энээнииень байгаалиин нөөсэнүүдэй талаар яаманай сайдай уялгануудые саг зуура дүүргэгшэ Наталья Тумуреева батална.
-Байгша ондо полигонууд өөһэдынгөө ажалай түлөө сэнгээ хоёр дахин дээшэлүүлээ. Бүхы полингонууд үмсын гээшэ аабза. Эдэнэй гансал хоёрынь буряад Уласай мэдэлдэ.
Хог богтоо, үлэгдэлнүүдтээ дарагдахагүйн түлөө дахинаа энэ эмхидэ мүнгэн туһаламжа үзүүлхэ гэһэн шиидхэбэри һунгамалнууд абаба.
Буряад Уласай Арадай Хуралай сесси апрелиин хуушаар хоёр үдэрэй туршада боложо үнгэрхэдэнь, hунгамалнууд аяар 50 гаран асуудалнуудые хаража шиидхэhэн байнад.
