Арадай Хуралай һунгамалнууд Үбэр-Байгалай парламентын үүсхэл дэмжэбэд. Зайгуул, зольбо нохойнуудай талаар бэрхэшээлнүүдые усадхаха удхатай элидхэл Арадай Хуралай хорооной түрүүлэгшэ Дмитрий Шевцов бэлдэбэ. “Амитадта харюусалгатайгаар хандаха тухай” Ород Уласай хуулида нэмэлтэ оруулха гэһэн хандалга Үбэр-Байгалай парламентын һунгамалнууд Гүрэнэй Дүүмэдэ эльгээбэ гэжэ тэрэ тэмдэглэнэ.
Зайгуул эзэгүй нохойнууд хуулида заһабари оруулагдаһанай удаа үйлсэ, гудамжада ябаха ёһогүй. Тусхай албан нохойнуудые бариһанай удаа һөөргэнь үйлсэдэ табиха эрхэгүй болохо.
-“Алас Дурна болон Байгал шадарай парламентнуудай эблэлэй” шиидхэбэреэр 2022 оной февралиин 10-да Үбэр-Байгалай Заксобраниин абаһан дурадхал дэмжэгдэбэ, - гэжэ Дмитрий Шевцов хэлэнэ.
Энэл бэрхэшээлтэ асуудал манай Буряад Уласта шухала һэн хойнонь, һунгамалнуудые тус шиидхэбэри дэмжэхыень Арадай Хуралай хорооной түрүүлэгшэ Дмитрий Швецов уряалба.
Буряад Уласай Арадай Хуралай сесси апрелиин хуушаар хоёр үдэрэй туршада боложо үнгэрхэдэнь, hунгамалнууд аяар 50 гаран асуудалнуудые хаража шиидхэhэн байнад.
