2009 оной декабриин 14-дэ абтаһан Буряад Уласай №1198-IV “Буряад Уласай Баунтын аймаг руу агаарай онгосоор ниидэхэдэ ниитын туһаламжа” гэһэн хуули федеральна хуулитай адли болгогдоно.
-Хүн зоной ажамидархадаа хэрэглэхэ мүнгэнэй хэмжээнэй доодо шатань, байгша оной сентябриин 15 болотор элирхэйлэгдэхэ ёһотой. Хуулиин түсэлэй ёһоор 3 пунктын 2-дохи статьягай удхань иимэ болоно. Энэ хуули абтахадаа Буряад Уласай һанһаа нэмэлтэ мүнгэн гаргашалагдахагүй. Түрүүшын экспертиза гарахадаа тус хуулиин түсэлнүүд коррупциин тала баримталнагүй гээд элирүүлэгдээ - гэжэ Арадай Хуралай ниитын бодолгын хорооной түрүүлэгшын орологшо Светлана Дымбрыловна Будаева дуулгаһан байха юм.
Тус хуулида нэмэлтэ, заһалта оруулха гэһэн асуудалда Арадай Хуралай һунгамалнуудай ехэнхи хубинь һайшаажа, дэмжэһэн байна.
Холын хойто аймагай зарим нютагуудта гансал агаарай онгосоор хүрэжэ ошохо аргатай. Эгээл тиимэһээ һунгамалнууд ажаһуугшадайнгаа тала затаагүй баримталха ёһотой даа.
Буряад Уласай Арадай Хуралай сесси апрелиин хуушаар хоёр үдэрэй туршада боложо үнгэрхэдэнь, hунгамалнууд аяар 50 гаран асуудалнуудые хаража шиидхэhэн байнад.
