Буряад Уласай Баргажанай аймагай ажаһуугшадай захяануудай дүүргэлтыеуласай Толгойлогшо Алексей Цыденов ажалай хэрэгээр ябаха үедөө хинаа. Февралиин 17-до аймагай хүн зонтой уулзаха үедөө тэрэ иигэжэ һануулаа, ябадал бүхэнэй дүнгөөр хүн зонтой уулзаһанай дүнгөөр, мүн баһа аймагай хүтэлбэриин табидаг асудалнуудаар протокол бэшэгдэдэг.
Тиин, 2021 ондо аймагай захяануудые дүүргэхэ хүреэндэ Адамовскын дунда һургуулиин эхин шатын ангинуудай байшан заһабарилгын ажалнууд хэгдээ. Энэ жэл тус һургуулиин гол байшан баһал заһабарилагдаха. Үржилэй һургуулиин байшан болбосон түхэлтэй болгогдоо – агааржуулалтын-дулаасуулгын журам, уһаар хангалга болон уһа зайлуулга хэб ёһондо оруулагдаа. Баянголой болон Уланай һургуулинуудта уһа халаалгын котёлнууд шэнэлэгдээ.
“Болбосорол” гэһэн гүрэнэй үндэһэн түсэлэй хүреэндэ “Үрөөгэй”, “Баргажанай Адагай”, “Юбилейнын”, “Читканай”, “Уланай” хамта дээрээ5 һургуулинуудта– “Точки роста” (цифровой, естественно-эрдэмэй, техническэ болон гуманитарна шэглэлнүүдээр болбосоролой түбүүд) байгуулагдаа.
“Спорт – амидаралай нормо” гэһэн гүрэнэй үндэһэн түсэлэй хүреэндэ 113 сая түхэригэй үнэ сэнтэй Максимиха һууринда универсальна нааданай зал баригдаа. Баргажан, Баргажанай Адаг, Үрөө, Баянгол һууринуудта олониитын 6 дэбисхэрнүүд шэнэлэгдээ.
Жэл бүри аймагай автохаргынуудые заһабарилха талаар ехэ ажал хэгдэнэ. Тиин, Улаан-Үдэ – Хурамхаан гэһэн нютаг можын трасса хатуу хушалтатай болоно, табан жэл соо 59 км шахуу харгы асфальтаар хушагдаа, харгын хажуудахи бүтээн байгуулалта шэнэлэгдээ, буудалнууд баһал шэнэлэгдээ, гэрэлтүүлгын объектнүүд һэльбэн шэнэлэгдээ. Мүнөө дээрээ Баргажанай аймагта Шапеньково – Бүгсэгэн гэһэн харгыда ехэ заһабарилга хэгдэнэ, гэжэ Буряад Уласай Засагай газарһаа эшэ татан Восток-Телеинформ мэдээсэнэ.
