Буряад Уласай толгойлогшо Алексей Цыденов зургаадахи Зүүн зүгэй экономическа хуралдаан дээрэ Казахстанай премьер-министрэй орлогшо Роман Скляртай уулзаба. Казахстанай делегациин гэшүүд Буряад Уласай павильон хүрэжэ танилсаа. Yшөө «Вертолёты России» гэжэ корпорациин генеральна хүтэлбэрилэгшэ Андрей Богинскийтай уулзалга үнгэргөө. Энэ уулзалгын гол зорилго авиа-барилгын талаар хамтын ажал ябуулга байгаа.
- Бидэ авиационно заводтой хамта хүдэлхэ асуудал зүбшэн хэлсээбди. Манай эндэ бүтээгдэдэг хэрэгсэлнүүдээр Казахстанда вертолёт суглуулха ажал эмхидхэлгэ - шэглэлнүүдэй нэгэн болоно. Казахстанда Оросой Уластай хамтын үйлэдбэриин коопераци хүгжэнги – КАМАЗ-суглуулха талаар ехэ ажал ябуулагдана, үшөө хүнгэн хүдэлгүүртэй вертолёт суглуулха үйлэдбэри эмхидхэгдэнэ. Мүнөө Казахстан вертолёдой суглуулбари Улаан-Yдэдэ гү, али Казаньда эмхидхэхэеэ шэлэжэ байна,- гэжэ Алескей Цыденов дуулгаба.
Уулзалгын hүүлдэ хабаадагшад Улаан-Yдэ хото авиационно заводто албанай хэрэгээр ошобо. А. Цыденовай хэлэhээр, Буряад Уласта Казахстантай хамта хүдэлхэ арга ехэ байна.
